Edynsan Kavani. Fota: AR
Kievin Trap (Hiermanija)
Fota: foot-sur7.fr
Nie treba być žančynaj, kab zrazumieć, što niamiecki bramnik Trap — nasamreč vielmi pryvabny mužčyna. Jość u im niešta nierealnaje, nibyta takich pryhožych chłopcaŭ nasamreč nie isnuje, i jon — pradukt žanočych fantazij. Šmat chto z bramnikaŭ moža padacca vam zanadta napružanym, ale Trap pavodzić siabie bolš hulliva.
Kiendał Uostan (Kosta-Ryka)
Fota: AR
Hety 34-hadovy abaronca — adzin z tych, za kim varta sačyć u Katary. Tolki pahladzicie na jaho bicepsy i ŭśmiešku, i vy adrazu zrazumiejecie, čamu jon u našaj kamandzie futbalistaŭ, jakija svaimi trapnymi hałami skarajuć dziavočyja sercy.
Fabijan Šer (Šviejcaryja)
Fota: AR
Kali razdavali najpryhažejšyja skivicy, šviejcarski centralny abaronca, napeŭna, zaniaŭ čarhu adnym ź pieršych. Jon vyhladaje nie nadta havarkim i, moža, navat trochi ścipłym, ale heta tolki dadaje jamu abajalnaści. Navat vialikija i trochi dziŭnyja vušy Fabijana nie robiać jaho mienš pryvabnym. Mahčyma, jany jamu patrebnyja, kab čuć usich žančyn, što iduć za im.
Šodža Chaliłzade (Iran)
Fota: commons.wikimedia.org
Na minułym čempijanacie śvietu Iran šmat kaho ździviŭ, i nie stolki futbołam, kolki siłaj svajho kamandnaha duchu. Začasanyja vałasy, akuratna padstryžanyja barody, elehantna pašytyja aficyjnyja kaściumy kamandy — usio heta dadavała adčuvańnia, što Iran adpraviŭ na turnir najpryhažejšych mužčyn svajoj krainy. Vidać, jany zrabili heta znoŭ, i tamu ŭ našaj kamandzie pryhažunoŭ budzie iranski hulec. Naš vybar — abaronca Šodža Chaliłzade.
Radryha De Paul (Arhiencina)
Radryha De Paul (źleva) z bramnikam arhiencinskaj zbornaj. Fota: AR
Jon — usio, što vam treba ad paŭdniovaamierykanskaha paŭabaroncy: ciomnyja vočy, atletyčnaje cieła i pryhožyja tatuiroŭki. Najbolš cikavaja ź ich — vialikaja pysa łabradora ź imiom «Roki», jakaja znachodzicca na ŭnutranym baku levaha ściahna Radryha. Heta śviedčańnie taho, nakolki jon addany svajmu pamierłamu sabaku, i heta prosta vielmi horača.
Džek Hryliš (Anhlija)
Fota: AR
U hetaha paŭabaroncy nohi ź ciahlicami nibyta ŭ supierhieroja i jarka vyražanyja, navat trochi hanarlivyja łytki. Nielha nie adznačyć jaho vočy i vusny, mima jakich nie projdzie ni adna žančyna. Spadziajomsia, hałoŭny trenier anhličan Saŭthiejt daść jamu vyjści na pole jak minimum dziela siabie samoha.
Edynsan Kavani (Uruhvaj)
Fota: AR
Kali hladziš na hetaha forvarda, ciažka vyklučyć mahčymaść taho, što jaho baćkam moža być Zieŭs. Miesca Kavani niedzie na baku vazy, jakoj 2500 hadoŭ, ci na marmurovym pastamiencie. Šmat žančyn z radaściu praviali b ź im dziesiać hadoŭ u łahiery la ścien Troi, dahladali b jaho rany i karmili b jaho vinahradam.
Robiert Levandoŭski (Polšča)
Fota: AR
Jość čym zachaplacca ŭ asobie hetaha daskanałaha vieterana futboła. Leva, jak jaho nazyvajuć fanaty, maje abličča sapraŭdnaha prafiesijanała ŭ svajoj spravie, ź jakim było b tak pryjemna abmierkavać techniku jaho napadaŭ va ŭtulnym restaranie biez čužych vačej. Rasčarujem: Robiert žanaty, i jaho kachanaja Anna — fitnies-trenierka dy pryziorka čempijanataŭ śvietu i Jeŭropy pa karate. Zdajecca, jana pakaraje luboha, chto dazvolić sabie fantazii pra jaje muža.
Ko Itakura (Japonija)
Fota: McRonaldo9 / commons.wikimedia.org
Hety 25-hadovy abaronca vyhladaje jak hieroj ramantyčnaj kamiedyi pra žyćcio japonskich padletkaŭ. U čas, kali futbalisty pastajanna publikujuć u sacsietkach sełfi z hołym torsam, staronki Itakury ŭ sacsietkach vyklučna ścipłyja: tam jon hulaje ŭ futboł, abdymaje sabaku ci robić kaśmietyčnuju masku. Sapsavany chłopiec? Chutčej vielmi miły.
Aliŭje Žyru (Francyja)
Fota: AR
Futboł — heta hulnia, u jakoj ludzi lubiać usio ŭskładniać, ale ž z pryhažościu futbalistaŭ usio vielmi prosta. Časam usio, što vam patrebna — heta francuz rostam 193 santymietry, jakoha zavuć Aliŭje, u jakoha tors vyrazny, jak Pireniei, a pozirk pryciahalny, nibyta mahnit. Vuala!
Andre Siłva (Partuhalija)
Fota: AR
Nijakaha Kryšcijanu Ranałdu, dobra? Viadoma, u jaho jość svaje fanaty, ale davajcie lepš źviarniemsia da jaho našmat bolš badzioraha tavaryša pa zbornaj Andre Siłva. Pryznajem, što jaho brovy vyhladajuć tak, nibyta namalavanyja markieram, ale ŭ toj ža čas Siłva maje vialikuju zubatuju ŭśmiešku i vyrazny (ale nie zanadta) ciełaskład. Andre nie patrabuje zanadta ŭvažlivaha dohladu — napeŭna, jon i bieź jaho pachnie soncaachoŭnym kremam i partuhalskim vinom.
Łaŭka zapasnych
Rachim Sterlinh (Anhlija)
Fota: AR
Mahčyma, jon nie nadta vysoki, ale pamier — heta jašče nie ŭsio, što važna. Sakret pośpiechu Sterlinha prosty: heta jaho doŭhija viejki plus šalonaja enierhija, pamnožanyja na toje, jak jon kłapocicca pra svaju mamu. Kim by vy ni byli, kali vy nie ličycie «kłopat pra mamu» afradyzijakam, my nie možam vam dapamahčy.
Memfis Depaj (Niderłandy)
Fota: AR
Kali vas pryciahvajuć samanadziejnyja mužčyny, hety forvard «Barsiełony» i niderłandskaj zbornaj — toje, što vam treba. 28-hadovy hulec niejkim čynam znachodzić i čas, i ŭpeŭnienaść u sabie, kab zapisvać ułasnyja chip-chop-treki. Akramia hetaha, u jaho prosta pryhožy, nie, vydatny tors i mocnyja ruki, prydatnyja nie tolki dla ŭkidvańnia aŭtaŭ.
Haračy trenier
Ervie Renar (Saudaŭskaja Aravija)
Fota: AR
Chto ž paviadzie takuju kamandu ŭ boj? Niama nijakaha sensu ŭ tym, kab sabrać razam najseksualniejšych futbalistaŭ śvietu, a potym čakać, što jany buduć słuchacca taŭstunka ŭ spartovym kaściumie. Kab kiravać zbornaj pryhožych mužčyn, treba dumać jak pryhožy mužčyna. Voś čamu miesca treniera ŭ našaj kamandzie adychodzić Ervie Renaru, mieniedžaru zbornaj Saudaŭskaj Aravii.
Čempijanat śvietu pa futbole chutka pačniecca. Čamu jaho ličać samym skandalnym za ŭvieś čas?
Hety čempijanat śvietu moža stać apošnim dla zbornaj Uelsa pad takoj nazvaj. Chočuć viarnuć histaryčnaje imia
«Rost popytu na biełaruskaść». U «Trybuny» źjaviłasia biełaruskamoŭnaja viersija
