Novyja palitviaźni — Alaksiej Kuźmin, Alaksiej Dajneka, Uładzisłaŭ Kupryjanaŭ, Andrej Ražkoŭ, Siarhiej Savič, Alaksandr Pietuškoŭ, Siarhiej Zacharanka, Siarhiej Maciuchievič, Arciom Voŭna, Vadzim Vasiljeŭ, Stanisłaŭ Kuźmicki.
U asnoŭnym hetyja ludzi pryciahnutyja da kryminalnaj adkaznaści za «raspalvańnie inšaj sacyjalnaj varožaści ci varažniečy» (art. 130 KK). Pravaabaroncy ličać, što hety artykuł «śledstvam i sudami sielektyŭna i dyskryminacyjna ŭžyvajecca vyklučna dla abarony instytutaŭ ułady, pryčym vyłučeńnie pradstaŭnikoŭ ułady, supracoŭnikaŭ orhanaŭ unutranych spraŭ, vajskoŭcaŭ i h. d. u jakaści sacyjalnych hrup, jakija padpadajuć pad abaronu ŭ hetym kantekście, nam padajecca nieabhruntavanym».
Ahulnaja kolkaść palitviaźniaŭ ciapier — 1428.
Praŭda, varta ŭličvać, što ŭ hetuju statystyku ŭvachodziać daloka nie ŭsie, chto znachodzicca ŭ źniavoleńni pa palityčnych pryčynach, realnaja kolkaść biełaruskich palitviaźniaŭ našmat bolšaja.
