«U situacyi, jakaja skłałasia, usie baki pavinny zachoŭvać spakoj i prajaŭlać strymanaść, kab nie dapuścić eskałacyi situacyi», — zajaviła žurnalistam na bryfinhu pradstaŭnica kitajskaha MZS Maa Nin.
Z padobnymi zaklikami raniej vystupili i inšyja krainy, što ŭvachodziać u Radu Biaśpieki AAN. U pryvatnaści, Francyja zaklikała «vielmi aściarožna» rabić vysnovy ab pachodžańni rakiety.
Prezident ZŠA Džo Bajden nazvaŭ małavierahodnaj viersiju pra toje, što rakieta była vypuščanaja rasijskimi vojskami. Łondan nijakich aficyjnych zajaŭ pakul nie rabiŭ, ale ŭ kancylaryi premjera Ryšy Sunaka dali zrazumieć, što zhodnyja z Vašynhtonam.
Svaju pazicyju nakont trahičnaha incydentu ŭ Polščy vykazali i niekatoryja inšyja krainy. U pryvatnaści, prezident Estonii Ałar Karys skazaŭ Bi-bi-si, što ŭ Talinie toje, što adbyłosia, ličyć «adzinkavym vypadkam», ale vajnu ŭ lubym vypadku nieabchodna spynić jak maha chutčej.
Ministr zamiežnych spraŭ Finlandyi Pieka Chaavista padkreśliŭ, što nieabchodna spačatku dapamahčy Polščy ŭ rasśledavańni, vyśvietlić usie mahčymyja padrabiaznaści incydentu, a ŭžo potym «dziejničać adpaviednym čynam».
