Sacuku taksama naznačany štraf — 16 tysiač rubloŭ. Žurnalist pazbaŭleny prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ, ciaham piaci hadoŭ. Taksama sud vyrašyŭ spahnać z abvinavačanaha ŭ dachod dziaržavy hrašovuju sumu ŭ pamiery 12 tysiač 384 rubloŭ.
Aryštavanuju majomaść — aŭtamabil, niekalki mabilnych telefonaŭ, noŭtbukaŭ, płanšetny kampjutar, 11 fłeš-nazapašvalnikaŭ, dyktafon, kartu pamiaci — pakinuć pad aryštam u lik zabieśpiačeńnia vykanańnia pryhavoru ŭ častcy štrafu.
Siarhiej Sacuk — hałoŭny redaktar internet-partała «Ježiednievnik» (ej.by), aŭtar rezanansnych rasśledavańniaŭ pra fakty karupcyi ŭ dziaržaŭnaj sistemie. Jaho zatrymali 8 śniežnia 2021 hoda. U toj ža dzień doma ŭ jaho adbyŭsia pieratrus, a dostup da sajta partała «Ježiednievnik», dzie Sacuk publikavaŭ svaje žurnalisckija rasśledavańni, byŭ zabłakiravany.
Siarhieja abvinavačvali pa troch artykułach Kryminalnaha kodeksa: art. 430 («Atrymańnie chabaru»), art. 130 («Raspalvańnie varožaści»), art. 426 («Pieravyšeńnie ŭłady albo słužbovych paŭnamoctvaŭ»), nahadvaje BAŽ.
Novy adras dla listoŭ i telehram: 212011, h. Mahiloŭ, vuł. Krupskaj, 99A.
