Fota: vecteezy

Fota: vecteezy

Źnižeńnie kolkaści zakazaŭ i pastajannyja łakdaŭny stali pryčynami, pa jakich mnohija kitajskija vytvorcy zakryvajuć fabryki, piša Financial Times. Kiraŭniki zavodaŭ na poŭdni Kitaja paviedamlajuć ab padzieńni zakazaŭ u kastryčniku na 50% na fonie poŭnych składoŭ u ZŠA i Jeŭropie, što jašče bolš paćviardžaje zmročnyja pierśpiektyvy dla druhoj pa vieličyni ekanomiki śvietu.

Heta jašče adna składanaść dla dziaržaŭnych płaniroŭščykaŭ u Piekinie, jakija i biez taho ŭžo zmahajucca z kryzisam nieruchomaści, pieryjadyčnymi łakdaŭnami i słabymi spažyvieckimi nastrojami. U minułym miesiacy Kitaj paviedamiŭ, što ŭ trecim kvartale VUP vyras usiaho na 3,9% u hadavym vyličeńni, što nižej za metavy pakazčyk u 5,5%.

Vytvorcy mebli skardziacca, što apošnija dva miesiacy byli samymi horšymi za doŭhi pieryjad: nichto nie advažvajecca što-niebudź kuplać, nichto ŭ Jeŭropie nie choča tracić lišnija hrošy. U asobnych halinach zakazy skaračajucca na 30-50%. Mnohija ludzi zakryvajuć svaje zavody.

Ekśpierty kažuć, što zapavoleńnie — niepaźbiežny vynik zakančeńnia bumu elektronnaj kamiercyi (ecommerce) paśla taho, jak pakupniki pieravysili zapasy ŭ 2022 hodzie. Naprykład, Nike paviedamiła ŭ vieraśni, što zapasy ŭ Paŭnočnaj Amierycy ŭ kancy treciaha kvartała vyraśli na 65% u paraŭnańni z papiarednim hodam.

Takim čynam, na ŭnutrany popyt Kitaja ŭpłyvajuć łakdaŭny, a zvonku nazirajecca słaby popyt z boku Jeŭropy i ZŠA, jaki abumoŭleny vysokimi pracentnymi staŭkami va ŭsim śviecie. Miascovyja ŭłady niekatorych pravincyj z usich sił sprabujuć padtrymlivać vytvorcaŭ subsidyjami, kab dapamahčy zavodam. U toj ža čas vytvorcy elektroniki i adnaŭlalnych krynic enierhii zastalisia ŭ lepšym stanoviščy za astatnich.

Spad mocna adbivajecca na rynku pracy, kali zavody vymušanyja skaračać vydatki, a adzin z samych vialikich vydatkaŭ — heta apłata pracy. Kastryčnik zvyčajna źjaŭlajecca asabliva napružanym pieryjadam dla vytvorčaści, i rezkaje źnižeńnie aktyŭnaści prymusiła rabočych šukać pracu.

Napružanaść pamiž ZŠA i Kitajem taksama paskoryła pieranos vytvorčaści z Kitaja, jaki i tak užo ruchaŭsia ŭ Paŭdniova-Uschodniuju Aziju. Niekatoryja vytvorcy pačynajuć pieramiaščać tudy svaje pradpryjemstvy, bo «amierykancy bolš nie žadajuć tavaraŭ, vyrablenych u Kitai». Dajšło navat da taho, što niekatorym pryjšłosia ŭ hetym hodzie arandavać składy dla zachoŭvańnia hatovaj pradukcyi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?