Śpis nacysckich arhanizacyj i inšych struktur papoŭniŭsia taksama «30-j hrenadziorskaj (piachotnaj) dyvizijaj Vafen-SS (Ruskaja № 2, jana ž Biełaruskaja № 1, na niamieckaj movie 30 Waffen-Grenadier-Division der SS (Ruthenische Nr. 2) Weissruthenische Nr. 1), jakaja składałasia ŭ asnoŭnym z byłych bajcoŭ atradaŭ «Biełaruskaj Krajovaj Abarony» i vykarystoŭvałasia ŭ antypartyzanskich apieracyjach», — havorycca ŭ dakumiencie.
Pieralik nacysckaj simvoliki i atrybutyki składajecca z 52 punktaŭ. Siarod ich voklič, jaki «supravadžaŭsia ŭźniaćciem pravaj ruki z vyprastanaj dałońniu «Žyvie Biełaruś» i adkaz «Žyvie».
MUS tłumačyć, što kałabaracyjaniscki voklič źjaŭlajecca simvałam 13-ha Biełaruskaha palicejskaha bataljona pry SD i 30-j hrenadziorskaj (piachotnaj) dyvizii Vafen-SS (Ruskaja №2, jana ž Biełaruskaja №1) naroŭni z nacysckim partyjnym pryvitańniem «Chajl Hitler».
Ci ličycca voklič «Žyvie Biełaruś» biez žestavaha supravadžeńnia «nacysckim», nie havorycca.
«Žyvie Biełaruś» pa-biełarusku maje dva sensy: i «isnuje», «živiet», i «niachaj žyvie!», «da zdravstvujet!». Hety vyraz ź vierša Janki Kupały staŭ simvałam viery biełarusaŭ naroŭni z hierbam «Pahonia» i bieł-čyrvona-biełym ściaham.
