Škło tresnuła ŭ kabinie piłotaŭ, i kamandzir sudna vyrašyŭ viarnucca ŭ Minsk.
Samalot ździejśniŭ pasadku ŭ Nacyjanalnym aeraporcie ŭ 07.24. Na borcie znachodziłasia 158 pasažyraŭ, ich zdaroŭju i biaśpiecy ničoha nie pahražała.
Dla vykanańnia rejsa Minsk — Šardža — Minsk było pradastaŭlena inšaje pavietranaje sudna.
Praŭda, avijakampanija była vymušana źmianić čas vyletu čartarnych rejsaŭ u Antaliju i Šarm-El-Šejch na bolš poźni. Pasažyram zatrymanych rejsaŭ buduć pradastaŭleny napoi i charčavańnie zhodna z praviłami.
U «Biełavii» padkreślivajuć, što incydent sa škłom — heta situacyja, jakaja ŭźnikaje vypadkovym čynam i nie moža być sprahnazavana avijakampanijaj. Adnak heta nijak nie ŭpłyvaje na biaśpieku palotu.
