Jared Milgrim/The Photo Access/Global Look Press
Pavodle vydańnia TMZ, palicyja Łos-Andželesa pryjechała na miesca zdareńnia paśla paviedamleńnia ab utapleńni čałavieka. Krynica tabłoida śćviardžaje, što cieła Aarona było znojdziena ŭ vańnie. Krynicy ŭ pravaachoŭnych orhanach paviedamili TMZ, što na miesca zdareńnia byli adpraŭlenyja detektyvy pa rasśledavańni zabojstvaŭ.
Aaron prasłaviŭsia jašče ŭ kancy 1990-ch jak pop-śpiavak, vypuściŭšy čatyry studyjnyja albomy, pačynajučy z debiutnaha alboma Aaron Carter u 1997 hodzie, kali jamu było ŭsiaho 9 hadoŭ.
Z hadami Karter pierajšoŭ da repu pa miery raźvićcia jaho muzyčnaj karjery, a taksama źjaviŭsia ŭ «Tancach z zorkami» i syhraŭ u bradviejskaj pastanoŭcy «Seussical».
TMZ taksama śćviardžaje, što Aaron mieŭ šmat jurydyčnych prablem i prablem sa złoŭžyvańniem psichaaktyŭnych rečyvaŭ na praciahu mnohich hadoŭ.
