Prezident Ukrainy Uładzimir Zialenski i Džejk Salivan 4 listapada 2022 hoda ŭ Kijevie. Fota: Ukrainian Presidential Press Office via AP
Salivan, jaki znachodziŭsia ŭ Kijevie ź nieanansavanym vizitam, pryznaŭsia, što apieracyja pa vyzvaleńni Chiersona stała adnoj z temaŭ, jakija abmiarkoŭvalisia padčas jahonaha vizitu.
«U mianie była mahčymaść atrymać infarmacyju ad vajskovych kiraŭnikoŭ Ukrainy ab płanavańni hetych namahańniaŭ (pa vyzvaleńni Chiersona), i, viadoma, amierykanskija vajskoŭcy znachodziacca ŭ ciesnym kantakcie z ukrainskimi i abmiarkoŭvajuć heta», — zajaviŭ amierykanski čynoŭnik.
Salivan taksama padkreśliŭ, što Bieły dom akaža ŭsiu nieabchodnuju padtrymku dla hetaha:
«Nie maja sprava — aceńvać situacyju na poli boju. Maja zadača — pierakanacca, što my dajom Ukrainie toje, u čym jana maje patrebu, kab heta adbyłosia».
Jon paabiacaŭ taksama dadatkovuju dapamohu, niepasredna adaptavanuju da patrebaŭ Chiersonskaj apieracyi.
«Ja siońnia znoŭ pierapytaŭ, što nieabchodna (dla zaviaršeńnia hetaj apieracyi), i ja ŭpeŭnieny, što my zmožam dać toje, što nieabchodna dla hetaj bitvy», — zajaviŭ jon.
Siońnia taksama stała viadoma, što ŭvojdzie ŭ novy pakiet vajskovaj dapamohi ZŠA Ukrainie abjomam u 400 miljonaŭ dalaraŭ:
- finansavańnie madernizacyi rakiet SPA;
- 45 adramantavanych tankaŭ T-72B z udaskanalenaj optykaj, suviaźziu i branioj;
- 1100 taktyčnych bieśpiłotnych latajučych aparataŭ Phoenix Ghost;
- 40 braniravanych račnych kataraŭ;
- finansavańnie madernizacyi 250 braniravanych mašyn achovy M1117;
- taktyčnyja abaronienyja sistemy suviazi i sistemy nazirańnia;
- finansavańnie dla navučańnia, techničnaha absłuhoŭvańnia i padtrymki.
