Fota: President.gov.by
Čałavieka, jakoha Łukašenka nazyvaŭ Daniiłam, nasamreč zavuć Danijar Usienaŭ. Jon zajmaŭ pasadu premjer-ministra Kyrhyzstana z 2009 pa 2010 hod pry prezidencie Kurmanbieku Bakijevie. Paśla revalucyi ŭ 2010-m u Kyrhyzstanie Usienaŭ źbieh razam z Bakijevym. Byłoha premjera na radzimie pryhavaryli da pažyćciovaha pazbaŭleńnia voli za masavy rasstreł demanstrantaŭ u dzień paŭstańnia.
Usienava taksama abvinavacili ŭ pieravyšeńni słužbovych paŭnamoctvaŭ, kali jon zajmaŭ pasadu mera Biškieka. Za heta jaho asudzili na 15 hadoŭ kałonii z kanfiskacyjaj majomaści.
Hienprakuratura Kyrhyzstana damahałasia ekstradycyi Usienava ź Biełarusi, ale atrymała admovu. Biełaruskija kalehi paličyli, što byłoha premjer-ministra pieraśledujuć pa «palityčnych pryčynach».
Upieršyniu infarmacyja pra toje, što Usienaŭ žyvie ŭ Biełarusi, źjaviłasia ŭ biełaruskich ŚMI ŭ 2017 hodzie. Taksama stała viadoma, što jon maje biełaruski pašpart.
Danijar Usienaŭ. Fota: BiełaPAN
Sama karparacyja była stvorana ŭkazam Łukašenki ŭ 2016 hodzie. Jaje budaŭnictva pačali ŭ 2018-m za piać kiłamietraŭ ad Rudzienska.
Ahulny košt prajekta, jak paviedamlałasia ŭ 2020-m, składaje 733 młn dalaraŭ.
Pad jaho realizacyju Eksimbank Kitaja vydaŭ ilhotny kredyt na 628 młn dalaraŭ, što Łukašenka nazyvaŭ «padarunkam Si Czińpina i kitajskaha naroda».
Viadoma, što ŭ lipieni minułaha hoda ŭrad nadaŭ BNBK harantyi pa dvuch kredytach u ajčynnych bankach — «Biełarusbanku» na sumu 43,4 młn dalaraŭ i ŭ «Biełhazprambanku» na 38,2 młn.
Płanavałasia, što karparacyja pabuduje 12 kambikormavych zavodaŭ pa vytvorčaści karmoŭ dla bujnoj rahataj žyvioły, ptuški, śviniej, ryby na płoščy 160 hiektaraŭ. Realizacyja prajekta raźličana z 2016-ha pa 2032 hady.
Jak vyśvietlili žurnalisty raniej, suzasnavalnikami karparacyi, akramia biełaruskaj dziaržavy, jakoj naležyć 25% akcyj, taksama vystupajuć kampanii z Rasii, Kitaja, Arabskich Emirataŭ i Šatłandyi.
Pry hetym klučavym ułaśnikam šatłandskich afšoraŭ ličycca plamieńnik zrynutaha prezidenta Kyrhyzstana Kurmanbieka Bakijeva Asyłbiek Salijeŭ.
Bakijeŭ i jaho siamja atrymali palityčny prytułak u Biełarusi paśla revalucyi 2010 hoda ŭ Kyrhyzstanie.
Čytajcie taksama:
Łukašenka rastłumačyŭ, čamu ŭ Biełarusi dahetul adznačajuć 7 Listapada
Łukašenka znoŭ zajaviŭ, što nie budzie pasyłać vajskoŭcaŭ va Ukrainu
