27 kastryčnika mnohija pradprymalniki z handlovych centraŭ i rečavych rynkaŭ demanstratyŭna nie stali pracavać. Takoj była ich reakcyja na zachady ŭłady «pa rehulavańni cenaŭ».

Raniej Łukašenka zabaraniŭ padymać ceny i daručyŭ da 20 kastryčnika raspracavać miechanizm rehulavańnia. Pradprymalnikam tak i nie patłumačyli, jak jon pracuje.

Ciapier handlary znoŭ na svaich miescach, adnak nivodzin nie viedaje, jak dalej składziecca ich los. Im dahetul nie daviali, jak budzie dziejać pastanova «Ab sistemie rehuliroŭki cenaŭ», bo, jak kažuć tyja, chto sustrakaŭsia z pradstaŭnikami miascovaj ułady, sami čynoŭniki nie viedajuć hetaha.

«Ludzi z 20 kastryčnika čakajuć hetych tłumačeńniaŭ, ale ich niama. Mnohija pradajuć pryvazny tavar biez nakładnych. A dzie jany ich mohuć uziać? Turki i kitajcy hatovyja pracavać, ale jakija jany mohuć dać dakumienty biełaruskaha ŭzoru? Tamu tyja, chto pracuje ŭ handlovych centrach i na rynkach, razhublenyja. Jany adčuvajuć, što spravie ichnaha žyćcia nadychodzić kaniec», — raskazała «Našaj Nivie» pra nastroi pradprymalnikaŭ adna z handlarak.

Jana pierakananaja, što ŭłada nie vypadkova čarhovy raz atakuje drobnych pradprymalnikaŭ. Jaje meta — pazbavicca ad kankurentaŭ bujnych sietak, jakija naležać nabližanym da Alaksandra Łukašenki ci padkantrolnym jamu biznesoŭcam.

«Raniej, — kaža surazmoŭnica, — biełaruskaja lohkaja pramysłovaść mahła pracavać na ekspart. Vykonvali zakazy jeŭrapiejskich kampanijaŭ, a ciapier jana na miažy śmierci».

Pa jaje słovach, drobnyja pradprymalniki «nie pryvykli dumać stratehična, a vyrašajuć nadzionnyja prablemy».

«Zrazumieła ž, što ŭłada razhladaje biznes, niepadkantrolny joj, niachaj nie jak voraha, ale jak niedružalubny elemient — heta adnaznačna. Niaŭžo jana ŭhołas skaža, što vyrašyła pazbavicca ad kankurentaŭ? Takoj frazy ad jaje nie pačuješ. A pradprymalniki sprabujuć parazumiecca z uładaju», — adznačaje handlarka.

Žančyna ŭpeŭnienaja, što ŭ ciapierašniaj situacyi pratestavać pradprymalniki nie navažacca i buduć čakać tłumačeńniaŭ. Inakš ich čakali b represii.

«Aryšt połackaj pradprymalnicy — pieršaja łastaŭka», — pierakananaja handlarka z Homielskaj vobłaści.

Tym časam Kamitet dziaržkantrolu nastojvaje, što ŭ minułyja vychadnyja ŭ chodzie manitorynhu na rynkach i ŭ handlovych centrach subjekty pradprymalnictva pracavali ŭ štatnym režymie. Na pracoŭnych miescach nie było tolki tych, chto ŭ adpačynku ci na balničnym.

Pavodle kantraloraŭ, z metaj tłumačeńnia patrabavańniaŭ zakanadaŭstva dla kiraŭnikoŭ i ŭłaśnikaŭ rynkaŭ, handlovych centraŭ, indyvidualnych pradprymalnikaŭ praviedzienyja pracoŭnyja sustrečy z pradstaŭnikami miascovych orhanaŭ vykanaŭčaj ułady i Ministerstva antymanapolnaha rehulavańnia i handlu.

Kamitet dziaržkantrolu nakiravaŭ rekamiendacyi abłvykankamam i Minharvykankamu ab «niedapuščeńni parušeńnia režymu raboty handlovych abjektaŭ».

Čytajcie taksama:

Połackuju pradprymalnicu aryštavali za sprobu pieradać kalektyŭny zvarot miascovym uładam

«Uhavorvajuć viarnucca». Rehulavańniem cen ułady stvaryli sapraŭdny chaos — što adbyvajecca?

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?