Prajekt Aliny vyras ź instahram-čelendža #belarusmif. Jaho sutnaść zaklučałasia ŭ tym, što dźvie biełaruskija ilustratarki, Iryna Dryžyna i Kaciaryna Šaramiećjeva, na praciahu dvuch tydniaŭ davali biaspłatnyja majstar-kłasy pa digital-malunku. Ahulnaj temaj byli mify Biełarusi.
Krynica: @tayamnica
Udzielniki marafonu musili za paru dzion stvaryć viektarnuju ilustracyju adnaho z hierojaŭ biełaruskich lehiendaŭ. Paśla čelendža Alina vyrašyła stvaryć sa svaich malunkaŭ paŭnavartasny prajekt. Tak uźnik dyzajn paštovych marak, natchniony lubimymi biełaruskimi mahičnymi historyjami.
Piersanažami paštovych marak stali, naprykład, hieroi lehiendy pra Viasielny dub.
Pavodle padańnia, kniaź Drucki ŭ honar zaručynaŭ svajoj dački pasadziŭ u svaim majontku try duby. Pieršy — kab maładyja ŭsio žyćcio kachali adno adnaho. Druhi — dla zdarovych dziaciej, a treci — dla pośpiechu va ŭsich spravach. Z usich duboŭ zachavaŭsia tolki pieršy. Pa čutkach, jon vałodaje mahičnaj siłaj: kali padyści da jaho i pakłanicca, to čaroŭnaje dreva padoryć kachańnie i natchnieńnie.
Lehiendy (i viadomyja tvory biełaruskich piśmieńnikaŭ), jakija ŭ svaim prajekcie zakranuła Alina: «Dzikaje palavańnie karala Stacha», «Paparać-kvietka», «Mahiła lva» i «Čornaja panna Niaśviža».
Pakul pahladzieć na dyzajn hetych paštovych marak možna tolki ŭ sacyjalnych sietkach i ŭ asabistym akaŭncie Aliny na płatformie Behance. Žurnalisty nie zmahli daviedacca, ci płanujecca prodaž marak u budučyni, adnak spadziajucca, što tak.
Čytajcie taksama:
U biznes-centry, dzie raniej byŭ Wargaming, ciapier ofis možna źniać biaspłatna
Samalot paŭdniovaafrykanskaj avijakampanii lotaje z vasilkom Belavia
