«Budu prasić nie viartacca, nam treba pieražyć zimu. Na žal, sietki nie vytrymajuć, vy bačycie, što robić Rasija. Kali jość mahčymaść — zastańciesia pierazimavać za miažoj», — skazała jana.
Raniej prezident Ukrainy Uładzimir Zialenski zajaviŭ, što Rasija, atakujučy krytyčnuju infrastrukturu, razburyła ŭžo tracinu ŭkrainskaha enierhietyčnaha siektara.
Pačynajučy z 10 kastryčnika, Rasija pačała sistematyčna nanosić ŭdary pa elektrastancyjach i inšaj krytyčnaj infrastruktury va Ukrainie. U vyniku ŭkrainskija ŭłady vymušanyja byli ŭvieści abmiežavańni spažyvańnia elektraenierhii.
Adklučeńni adbyvajucca pa čarzie i doŭžacca nie bolš za čatyry hadziny ŭ kožnym kankretnym rajonie.
Ukraincaŭ taksama znoŭ zaklikali minimizavać vykarystańnie elektraenierhii ŭ viačernija hadziny pik, heta značyć z 17:00 da 22:00. U hety čas abmiežavańni buduć samymi strohimi, u niekatorych haradach abiacajuć častkova adklučyć vuličnaje aśviatleńnie.
