Fota ilustracyjnaje
Było ŭstanoŭlena, što pinčuku ŭ Viber nieadnarazova pastupali zvanki ad nieviadomych, jakija pradstaŭlalisia supracoŭnikami banka, milicyi, Śledčaha kamiteta. «Supracoŭniki» nibyta zadziejničali jaho ŭ śpiecapieracyi pa vyjaŭleńni karumpavanych bankiraŭ, jakija padmanvajuć hramadzian.
Kirujučysia instrukcyjami ad nieviadomych asob, vykładčyk ustalavaŭ na mabilny telefon śpiecyjalnuju prahramu «AnyDesk». Ź jaje dapamohaj ašukancy adsočvali i kantralavali ŭsie dziejańni mužčyny, u tym liku daviedalisia kanfidencyjnuju infarmacyju pra jahony bankaŭski rachunak.
Hałoŭnaje ž — pinčuka pierakanali aformić kredyty ŭ troch roznych bankach na ahulnuju sumu 52 850 rubloŭ. Paśla atrymańnia hrošaj pa kredytach mužčyna pieravioŭ hrošy na bankaŭski rachunak telefonnych machlaroŭ, a paśla śpisańnia hrošaj z rachunku «supracoŭniki» pierastali vychodzić na suviaź.
Tym nie mienš, mužčyna da apošniaha vieryŭ, što mieŭ znosiny z sapraŭdnymi supracoŭnikami milicyi i Śledčaha kamiteta.
