Papiarednie viadoma, što Śviatłanie Siłavaj mohuć pastavić u vinu «zachoŭvańnie i raspaŭsiud ekstremisckich materyjałaŭ».
Siłava z 2000 hoda pracuje na kafiedry historyi Biełarusi HrDU, źjaŭlajecca namieśnicaj zahadčyka kafiedry pa vučebnaj pracy.
Siłava — pradstaŭnica viadomaj u Biełarusi histaryčnaj škoły prafiesara Jakava Maraša. Hrodzienski historyk padrychtavaŭ kala dziesiaci navukoŭcaŭ, jakija da siońniašniaha dnia zajmajucca kanfiesijnaj historyjaj Biełarusi.
U koła navukovych intaresaŭ Śviatłany Siłavaj uvachodzić historyja Pravasłaŭnaj carkvy ŭ Biełarusi. Jašče ŭ 2005 hodzie Biełaruski ekzarchat vydaŭ jaje pracu «Kryžovy šlach: Biełaruskaja Pravasłaŭnaja Carkva ŭ pieryjad niamieckaj akupacyi 1941-1945 hadoŭ».
Kala 15 hadoŭ Śviatłana Siłava na hramadskich pačatkach supracoŭničaje z Hrodzienskaj jeparchijaj jak navukovy ekśpiert. Historyk brała ŭdzieł i arhanizoŭvała dziasiatki mierapryjemstvaŭ, aktyŭna raźvivała supracoŭnictva Hrodzienskaha ŭniviersiteta ź Minskaj duchoŭnaj sieminaryjaj u Žyrovičach. Akramia taho, Siłava źjaŭlajecca členam jeparchijalnaj kamisii pa kananizacyi śviatych.
