Da kanca vośmaha miesiaca vajny asnoŭnyja častki vajennaha kiraŭnictva Rasii ŭsio mienš paśpiachova spraŭlajucca sa svaimi funkcyjami. Na taktyčnym uzroŭni, vierahodna, vastrej adčuvajecca niedachop zdolnych małodšych aficeraŭ dla arhanizacyi i kiraŭnictva niadaŭna mabilizavanymi vajskoŭcami.

Miarkujučy pa śviedčańniach vidavočcaŭ, stralba na palihonie ŭ Biełharodskaj vobłaści 15 kastryčnika mahła adbycca paśla abraźlivych kamientaroŭ adnaho z aficeraŭ u adras navabrancaŭ ź liku etničnych mienšaściaŭ (hetaja infarmacyja nikim nie była paćvierdžana). Drennaje kamandavańnie na ŭzroŭni małodšych aficeraŭ, vierahodna, paharšaje i biez taho drenny maralny stan i zhurtavanaść padraździaleńniaŭ u mnohich častkach rasijskich sił, ličać aŭtary zvodki.

Čatyry ź piaci hienierałaŭ, jakija ažyćciaŭlali apieratyŭnaje kamandavańnie na roznych etapach uvarvańnia ŭ lutym 2022 hoda, da ciapierašniaha momantu zvolnienyja. Ich zamieny pakul mała što źmianili dla palapšeńnia bajavych charaktarystyk rasiejskich uzbrojenych sił. Adsutnaść pierajemnaści ŭ kamandavańni, vierahodna, budzie bolš razburalnym, čym mahło b być u inšych krainach, pakolki, zhodna z rasijskaj vajennaj daktrynaj, raspracoŭka płanaŭ u asnoŭnym ažyćciaŭlajecca asabista kamandujučym.

Клас
4
Панылы сорам
0
Ха-ха
14
Ого
0
Сумна
0
Абуральна
1