Alaksandr Łukašenka padčas samitu SND u Astanie daŭ 20-chvilinnaje intervju amierykanskaj telekampanii NBC. Jon, u pryvatnaści, zajaviŭ, što Pucin nikoli nie staviŭ pierad saboj metu prymianić jadziernuju zbroju va Ukrainie, paviedamlaje ria.ru.
«Samaje hałoŭnaje, svajho surazmoŭcu i navat sapiernika nie zahaniajcie ŭ kut. Tamu nie treba pierachodzić tyja linii, jak rasijanie kažuć, čyrvonyja linii. Nielha ich pierachodzić», — skazaŭ Łukašenka.
Na jaho dumku, lubaja zbroja dla čahości stvarajecca. «Jość zbroja — jasna, što jana stvarajecca dla prymianieńnia. Rasija vyrazna abaznačyła svaju pazicyju: nie daj boh budzie napad na terytoryju Rasijskaj Fiederacyi, u hetym vypadku Rasija moža pry nieabchodnaści vykarystoŭvać usie vidy zbroi», — miarkuje Łukašenka.
«Što tyčycca padtekstu vašaha pytańnia, nikoli, u tym liku i prezident Pucin, kiraŭnictva Rasii nie staviła pierad saboj metu prymianić jadziernuju zbroju va Ukrainie. Takoj nieabchodnaści niama», — dadaŭ Łukašenka.
