Učora Uładzimir Makiej upieršyniu, pryčym rasijskamu ŚMI, ahučyŭ infarmacyju pra toje, što ŭ Biełarusi ŭviedzieny režym kontrterarystyčnaj apieracyi. Žurnalisty ŭdakładnili ŭ ministra, pra što ŭsio ž idzie havorka.

«Nie sakret (pra heta havaryli kiraŭniki našych śpiecsłužbaŭ), što my atrymali infarmacyju ab padrychtoŭcy šerahu pravakacyjnych dziejańniaŭ u dačynieńni da Biełarusi z usich mahčymych napramkaŭ, akramia ŭschodniaha», — skazaŭ Makiej.

Pavodle jaho, naturalna, što, z ulikam hetaha Łukašenka «jak adkazny kiraŭnik, jaki pavinien kłapacicca pra biaśpieku dziaržavy i hramadzian», pryniaŭ adpaviednaje rašeńnie, «kab supraćstajać mahčymym pravakacyjnym sprobam».

«Było abvieščana, što ŭ suviazi z tym masivam infarmacyi, jakaja pastupaje zvonku, adnosna mahčymych pravakacyj na prylehłaj terytoryi našaj krainy (až da taho, što była infarmacyja pra mahčymuju sprobu pravakacyjnaha zachopu asobnych častak terytoryi Biełarusi) było pryniataje rašeńnie ŭvieści tak zvany režym kontrterarystyčnaj apieracyi. U ramkach hetaha režymu ažyćciaŭlajecca ŭzmocnieny kantrol za abstanoŭkaj, uzmocnieny kantrol na źniešnim pierymietry hranic. A ci pryviadzie heta da napružańnia pamiž Biełaruśsiu i susiednimi dziaržavami? Kali palityki buduć tak biezadkazna dziejničać, to možna skacicca i ŭ biezdań treciaj suśvietnaj vajny», — skazaŭ Makiej.

«Chto b ni sprabavaŭ nahniatać isteryju, paviercie, nie Biełaruś budzie ŭ hetym vinavataja», — miarkuje Makiej.

10 kastryčnika Alaksandr Łukašenka sabraŭ naradu pa pytańniach biaśpieki krainy. Jon zajaviŭ, što niekalki dzion tamu KDB było daručana pravieści nieabchodnyja mierapryjemstvy kontrterarystyčnaha charaktaru.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?