U zakonie «Ab baraćbie z teraryzmam» jość paniaćcie režymu ŭ zonie praviadzieńnia kontrterarystyčnaj apieracyi.

Zhodna ź im, siłaviki mohuć časova abmiažoŭvać abo zabaraniać ruch transpartu i piešachodaŭ na vulicach i darohach, nie prapuskać transpart, u tym liku dypłamatyčny.

Supracoŭnikam orhanaŭ dazvolena zatrymlivać hramadzian pry adsutnaści ŭ ich dakumientaŭ, jakija paćviardžajuć ich asobu, dla ŭstanaŭleńnia asoby. A taksama ŭvachodzić bieśpieraškodna ŭ čužoje žyllo i ahladać jaho — pry nieabchodnaści z paškodžańniem zamkoŭ i dźviarej, u luby čas sutak. Farmalnaja padstava — padazreńnie čałavieka ŭ ździajśnieńni aktu teraryzmu, stvareńni niezakonnaha ŭzbrojenaha farmavańnia abo ŭdziele ŭ im. Vyklučeńnie — dypłamatyčnyja pradstaŭnictvy, konsulskija ŭstanovy, pamiaškańni, dzie žyvuć supracoŭniki pradstaŭnictvaŭ i ich siemji.

Mohuć dahladać ludziej, ich rečy i transpart — u tym liku i z prymianieńniem techničnych srodkaŭ. A taksama vykarystoŭvać transpart i telefony, jakija naležać hramadzianam, dziaržaŭnym orhanam i inšym arhanizacyjam — «u słužbovych metach».

ŚMI padpadajuć pry takim režymie pad strohuju cenzuru — pracu žurnalistaŭ rehuluje kiraŭnik kontrterarystyčnaj apieracyi.

Ale treba adznačyć, što paśla vybaraŭ 2020 hoda siłaviki pry žadańni i tak prybiahali da vyšej apisanych mier u parušeńnie zakona. Adnak abviaščeńnie asablivaha režymu moža być sihnałam da jašče bolšaha ŭzmacnieńnia represij, jakija viaducca i biez taho.

U zakonie skazana, što dla ŭdziełu ŭ kontrterarystyčnaj apieracyi mohuć pryciahvacca roznyja siłavyja orhany, a taksama Uzbrojenyja siły.

Makiej: U Biełarusi ŭviedzieny režym kontrterarystyčnaj apieracyi

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?