«Nievialiki pracent moža vyjści, — kamientuje zakanaprajekt ab amnistyi Pavieł Sapiełka. — Moža być, tolki ludzi, jakija pa artykule 188 KK (paklop).
Minus «złosna parušajučyja», minus palityčnyja artykuły 342, 293, 369 i 368, 130, minus «ekstremisty». Navat i nie zastajecca nikoha».
Aproč zhadanych vyšej artykułaŭ, vyklučany nastupnyja, pa jakich u tym liku sudzili palitviaźniaŭ:
- art. 356 (zdrada dziaržavie);
- art. 361 (zakliki ła sankcyj);
- art. 361-1 (stvareńnie ekstremisckaha farmavańnia abo ŭdzieł u im);
- art. 364 (hvałt abo pahroza jaho ŭžyvańnia ŭ dačynieńni da supracoŭnika ŭnutranych orhanaŭ);
- art. 370 (ździek ź dziaržaŭnych simvałaŭ) i inšyja (artykuł 10 zakonaprajekta).
Taksama ahavorana, što nie buduć vyzvalacca asoby, jakija majuć dačynieńnie da «ekstremisckaj dziejnaści» i tyja, chto «złosna parušaje ŭstalavany paradak padčas adbyvańnia pakarańnia ci inšych mieraŭ kryminalnaj adkaznaści».
Kaho źbirajucca ličyć złosnymi parušalnikami? Pavieł Sapiełka tłumačyć, što pastanoŭka na ŭlik jak schilnych da ekstremizmu tut nie maje značeńnia. Da złosnych parušalnikaŭ adniasuć tych, chto maje peŭny kamplekt parušeńniaŭ.
U prajekcie zakona jany pieraličany ŭ artykule 17 zakonaprajekta. Złosnymi parušalnikami, naprykład, buduć ličyć tych, chto maje try i bolš niaznatyja spahnańni (vymovy ci ŠIZA), pieraviedzieny z papraŭčaj kałonii ŭ turmu i inš.
Źviartaje ŭvahu artykuł 21 — «rašeńnie ab prymianieńni ci nieprymianieńni hetaha zakona prymajecca ŭ dačynieńni da kožnaj asoby indyvidualna». To-bok zakon moža dziejničać vybaračna.
Ciapier prajekt zakona ab amnistyi rychtujuć da pieršaha čytańnia Pałaty pradstaŭnikoŭ. Jon znachodzicca na razhladzie ŭ kamisii pa nacyjanalnaj biaśpiecy.
Čytajcie taksama:
Apublikavany prajekt zakona ab amnistyi. Palityčnym ničoha nie śviecić
Kanapackaja pra amnistyju: Heta prajekt, a nie zakon
