Ciapier KDB zmoža abmiežavać biełarusam vyjezd z krainy na paŭhoda, kali jon «supiarečyć intaresam nacyjanalnaj biaśpieki Respubliki Biełaruś».
Taksama vyjezd budzie zabaronieny i tym, u dačynieńni da kaho viadziecca administracyjny praces, a rašeńnie sudom pakul nie pryniataje. Siudy adnosiacca artykuły KaAP pra niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni joj słužbovych paŭnamoctvaŭ, parušeńnie paradku arhanizacyi abo praviadzieńnia masavych mierapryjemstvaŭ. Časta pa ich (farmalna) utrymlivajuć mienavita za palityku.
Usie pryzyŭniki, a taksama hramadzianie va ŭzroście da 27 hadoŭ, zaličanyja ŭ zapas pa stanie zdaroŭja biez prachodžańnia terminovaj vajennaj słužby abo słužby ŭ reziervie, zmohuć vyjazdžać na PMŽ za miežy krainy sa zhody vajenkamata.
Supracoŭnikam siłavych viedamstvaŭ, uklučajučy hramadzianski piersanał, možna budzie vyjechać za miežy Biełarusi tolki pa ŭzhadnieńni z kiraŭnictvam, jakoje moža nakłaści zabaronu «ŭ metach harantavańnia intaresaŭ nacyjanalnaj biaśpieki da spynieńnia abstavin, jakija pieraškadžajuć vyjezdu». Kali ŭ takich asob jość bijamietryčny pašpart, na čas słužby jaho pryjdziecca zdać u adździeł kadraŭ.
Paradak vyjezdu dziaržsłužačych ź Biełarusi budzie vyznačać urad.
Biełarusy, jakija pastajanna pražyvajuć za miažoj, abaviazanyja stać tam na pastajanny konsulski ŭlik.
