Fota: pixabay.com
Kali vy robicie kamuści padarunak, vy hetym paviedamlajecie jamu, što hety čałaviek dla vas dastatkova važny, kab šukać i znachodzić niešta, što jamu padychodzić. Padarunak demanstruje, što vy viedajecie čałavieka abo chočacie jaho viedać, piša bigthink.com.
Kali nam robiać sapraŭdy značny i pradumany padarunak, heta vielmi pryjemna. Padarunak ad čałavieka, jaki nas całkam razumieje, ci navat taki padarunak, kali my i nie ŭśviedamlali, što nam jon patrebny, usprymajecca jak udvaja važny.
Časam, viadoma, my atrymlivajem i niaŭdałyja padarunki. Heta moža być niešta dziŭnaje, naprykład, jarkija štany, jakija vy b u žyćci nie nadzieli, abo zanadta praktyčnaje — para škarpetak ci hiel dla dušu.
Cikava, što ludzi pa-roznamu reahujuć na niaŭdałyja padarunki. Daśledavańnie 2008 hoda pakazała, što šmat dla kaho taki padarunak — prykmieta, što jaho niapravilna zrazumieli. Ale mužčyny ŭ hetaj situacyi zasmučajucca bolš, čym žančyny: dla ich drenny padarunak — padstava adčuvać siabie mienš blizkimi ŭ adnosinach z kachanaj, što zrabiła jaho. Žančyny ž, u svaju čarhu, nie tak schilnyja šukać taki padtekst u atrymańni niaŭdałaha padarunka.
Daryć padarunki — staražytnaja tradycyja, jakaja isnuje praktyčna va ŭsich hramadstvach. Kali my kuplajem kamuści pieršy padarunkavy siertyfikat, što trapiŭ nam na vočy, abo inšy pradmiet pa vonkavych rekamiendacyjach, my robim padarunak biessensoŭnym i chutčej pieratvarajem samo dareńnie ŭ kłopaty, ad jakich treba jak maha chutčej pazbavicca.
Tamu nastupny raz układzicie ŭ padarunak usiu svaju ŭvahu i ščyry kłopat pra čałavieka. Pakažycie jamu, što vy pra jaho dumajecie.
10 padarunkaŭ, jakimi možna ździvić milenijała
U Japonii pradali adnu višańku za 300 dalaraŭ. Jak takoje mahčyma?
«Dzicia pačało tuzać za futra sa słovami: «Treba ŭ razietku ŭklučyć!» Dziady Marozy i Śniahurki raskazvajuć pra svaju pracu
