Fota: tvitar Hitanasa Naŭsiedy
«Jak biblijafił, ja nie moh źjechać z Prahi, nie zavitaŭšy da pomnika ahulnaj historyi Litvy i Čechii.
Hety vialiki čałaviek, Francysk Skaryna, nie tolki pakinuŭ značny śled u historyi knihadrukavańnia ŭ Čechii, ale i apublikavaŭ samuju pieršuju knihu ŭ Vialikim Kniastvie Litoŭskim!» — napisaŭ Naŭsieda ŭ tvitary i dadaŭ u kancy ściah Litvy.
Mnohija karystalniki tvitara aburylisia, što niama zhadki pra Skarynu jak biełaruskaha dziejača.
«Varta adznačyć, što Skaryna taksama byŭ častkaj biełaruskaj historyi. Jaho Biblija była nadrukavanaja na starabiełaruskaj movie, pierarobcy carkoŭnasłavianskaj. Dla mianie było honaram pabačyć na ułasnyja vočy niekatoryja staronki Biblii ŭ Biblijatecy Skaryny ŭ Łondanie», — adreahavała žurnalistka Hanna Lubakova.
Tvitarčuki nahadali taksama, što pieršadrukar naradziŭsia ŭ Połacku.
«Francysk Skaryna — heta biełaruskaja historyja, i sučasnaja Litva nie maje da jaho nijakaha dačynieńnia», — pakinuŭ dopis adzin z kamientataraŭ.
«Biełaruś dla vas niejki žart ci što?» — hnievajecca inšy.
«Heta sapraŭdny supierhieroj biełaruskaj historyi, — davodziać u kamientaryjach. — Čakajem, kali Novaja Biełaruś viernie mahčymaść pierajmienavać naš hałoŭny praśpiekt u Minsku ŭ honar Skaryny».
«Upeŭnieny, što mistar Naŭsieda viedaje, što Vialikaje kniastva Litoŭskaje nie roŭna sučasnaj Litvie, ale ŭklučała ŭ siabie sučasnuju Litvu, Biełaruś i častki Ukrainy, Łatvii, Polščy, Rasii i Małdovy», — piša adzin z karystalnikaŭ tvitara.
«Heta z toj ža opiery, što i Skaryna picierski», — aburajucca ludzi.
voś i ŭ nas chacieli dvinuć bankira...