Chrenin zapeŭniŭ, što praca ŭ hetym kirunku viadziecca płanava, a mabilizacyjnyja zbory nosiać pastajanny charaktar. Taksama jon nazvaŭ niekalki ličbaŭ.
Tak, pavodle jaho, za apošnija 20 hadoŭ praz mabilizacyjnyja zbory prajšli 130 tysiač čałaviek. Pry nieabchodnaści vajskovaje viedamstva moža, maŭlaŭ, vystavić resurs u 500 tysiač vajennaabaviazanych, i havorka idzie pra padrychtavany rezierv. A pakolki 60% biełaruskaha vojska — kantraktniki, to ŭ Biełarusi niama nieabchodnaści stvarać kantraktnuju armiju.
Taksama Chrenin skazaŭ, što nieŭzabavie ŭ biełaruskaje vojska pastupiać rakietnyja kompleksy «Iskander», sistemy SPA «S-400», a ŭ kastryčniku adbudziecca prezientacyja bajavych bieśpiłotnych kompleksaŭ.
