Fota: pixabay.com
Bolšaść z pamierłych ad ałkaholu — ludzi pracazdolnaha ŭzrostu, u asnoŭnym mužčyny. Treć — piensijaniery, jakich sioleta z pryčyny atručeńnia pamierła ŭ paŭtara razu bolš, čym u 2021-m.
Atručeńni etanołam nie majuć dačynieńnia da jakaści ałkaholu i źviazanyja vyklučna ź pieradaziroŭkaj.
Antyrekord u hetym sensie byŭ ustanoŭleny 32-hadovym mužčynam, u kryvi jakoha ekśpierty vyjavili etanoł u kancentracyi 5,7 pramile. Heta adpaviadaje prykładna 1-1,2 ł harełki, vypitaj za maksimalna karotki adrezak času.
U toj ža čas žychary Viciebščyny stali radziej hinuć ad surahataŭ ałkaholu. U pryvatnaści, značna źniziłasia kolkaść atručeńniaŭ mietanołam. Atrutnaje rečyva, jak praviła, źjaŭlajecca kampanientam kantrafaktnaj «škłoamyvajki». Dla śmiarotnaha zychodu dastatkova 30 hramaŭ mietanołu ŭ čystym vyhladzie.
Adzin mužčyna ŭ Viciebskaj vobłaści, 1969 hoda naradžeńnia, pamior, užyŭšy ŭnutr srodak ad nasiakomych-škodnikaŭ.
