05.10.2022
/ 18:03 / Ałharytmičny łacinski varyjant
Uładzimir Mackievič napisaŭ za kratami dźvie knihi
Na Kanfierencyi ABSIE pa čałaviečym vymiareńni ŭ Varšavie — najbujniejšaj u Jeŭropie kanfierencyi pa pravach čałavieka i demakratyi — abmierkavali situacyju z biełaruskimi palitźniavolenymi. Na plenarnym pasiadžeńni vystupiła, siarod inšych, dačka palitźniavolenaha fiłosafa Uładzimira Mackieviča i pradstaŭnica Centra biełaruskaj salidarnaści Nadzieja Łučanok, paviedamlaje telehram-kanał Biełaruskaha PEN-centra.
Nadzieja Łučanok
«U červieni 2022 hoda Mackieviča asudzili da piaci hadoŭ kałonii ŭzmocnienaha režymu za «hrubaje parušeńnie hramadskaha paradku», «kiravańnie ekstremisckim farmavańniem» i «abrazu Łukašenki» — ale nasamreč jaho pakarali za inšadumstva, za «dumkazłačynstva» ŭ duchu Orueła.
U turmie jon praciahvaje pracavać i pisać. Užo napisanyja dźvie knihi, ale my aścierahajemsia, što ŭłady mohuć kanfiskavać hetyja teksty i jany buduć zhublenyja dla navakolnaha śvietu», — paviedamiła Nadzieja.
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
