Arciom Pikul, fota z asabistaj staronki
Zatrymanaha zvać Arciom Pikul — jon uradženiec Baranavičaŭ. Na radzimie jon časta mianiaŭ miescy pracy, pakul znajšoŭ siabie ŭ fitnesie, staŭ treniravać.
Niadaŭna jon pierajechaŭ u Hdańsk, dzie žyćcio pakaciłasia pa schile.
Arciom pačaŭ vieści svoj instahram epatažna, źmiaščaŭ videa, jak jon čaplajecca da ludziej roznaha połu i ŭzrostu. Za kadry hvałtu i abrazaŭ akaŭnt u vyniku vydalili.
Sioje-toje jašče možna znajści ŭ jaho jutub-kanale (videa hustyja na łajanku).
Zatrymany biełarus. Fota: palicyja Hdańska
«Na žal, u Arcioma prablemy z zaležnaściami, žyŭ to ŭ niejkich znajomych, to ŭ chostełach, zdymaŭ videa i skidvaŭ, jak ździekujecca ź ludziej, pahražaŭ tym ža samym, kali vierniecca ŭ Biełaruś. Litaralna ŭsich svaich znajomych zadziaŭbaŭ u Biełarusi. Što jon car, ci hatovy jamu kłaniacca, što budzie rezać hołavy i hetak dalej. Adnačasova z hetym prasiŭ hrošaj», — skazali «Našaj Nivie» jaho byłyja klijenty ŭ Baranavičach.
Što jon rabiŭ u nieekspłuatavanym budynku razam z 37-hadovym polskim bamžom i što stała pryčynaj kanfliktu, nieviadoma.
