Fota: pixabay.com
Novy virus pad nazvaj Chosta-2 — heta adzin z sarbiekavirusaŭ, toj ža katehoryi, da jakoj naležyć i virus kavidu. Zhodna z novaj pracaj, apublikavanaj u vydańni PLoS Pathogens, Chosta-2 pakazvaje tryvožnyja rysy, piša Euronews.
Kamanda pad kiraŭnictvam daśledčykaŭ z Univiersiteta štata Vašynhton vyśvietliła, što novy virus moža zaražać kletki čałavieka z dapamohaj svaich elemientaŭ — šypavidnych białkoŭ — tym ža čynam, jak heta robić virus kavidu. Navukoŭcy nazyvajuć sarbiekavirusy mahčymaj pahrozaj dla hłabalnaj achovy zdaroŭja i dla vakcynacyi suprać kavidu.
Virusy Chosta-1 i Chosta-2 byli vyjaŭlenyja ŭ 2020 hodzie ŭ kažanoŭ niedaloka ad Sočy. Spačatku navukoŭcy ličyli, što hetyja virusy nie pahražajuć ludziam, ale zaraz jany śćviardžajuć, što Chosta-1 i Chosta-2 mohuć zaražać čałaviečyja kletki.
Na ščaście, navukoŭcy ličać, što ŭ novych virusaŭ niama niekatorych hienietyčnych elemientaŭ, jakija spryjaiuć raźvićciu chvaroby ŭ ludziej. Ale jość niebiaśpieka, što Chosta-2 moža abjadnacca, naprykład, ź virusam kavidu, i hety novy virus budzie zdolny nanieści vialikuju škodu.
Navošta ŭvohule patrebnyja virusy? Bieź ich nas mahło b nie być
Chočacie mienš chvareć? Ekśpierty nazvali kavidnyja zvyčki, jakich varta prytrymlivacca ŭvieś čas
Kavid škodzić mozhu. Tłumačym, jak heta adbyvajecca
