Paviedamlajecca, što mužčyna łaviŭ rybu na Dźvinie i tam, na hłybini kala 3 mietraŭ, kali vyrašyŭ pašukać sama na hłybini, u rajonie Zapałoćcia i vioski Čarnieščyna akurat i znajšoŭ hety mieč. Jak heta technična adbyvałasia, na sajcie MNS nie paviedamlajecca.
U kožnym razie pažarnik adnios mieč na pracu, adkul znachodku pieradali nacyjanalnamu Połackamu historyka-kulturnamu muzieju. I śpiecyjalisty pryznajuć jaje staražytnaść i kaštoŭnaść:
«Znachodka vielmi cikavaja, raniej u nas takich nie było. Heta svojeasablivy adbitak času. Ahulnaja daŭžynia miača 128 sm, prykładna 1,6 kh. U vyniku daśledavańnia chimičnaha składu miača ŭstanoŭlena, što lazo i harda vyrablenyja z zahartavanaj vysokavuhlarodnaj stali, a navierša — ź niaskončanaha žaleza. Materyjałam dla vyrabu inkrustacyi stała dvuchkampanientnaja łatuń biez dadatkovych damieškaŭ», — raskazaŭ restaŭratar Alaksandr Vołkaŭ.
