Kamandavańnie Čarnamorskaha fłotu Rasii amal napeŭna pieradysłakavała svaje padvodnyja łodki kłasa Kiło (zbornaje abaznačeńnie, pryniataje ŭ NATO dla dvuch prajektaŭ rasijskich padvodnych łodak) z anieksavanaha Sievastopala ŭ Navarasijsk.
Brytanskaja raźviedka ličyć heta vielmi vierahodnym z-za źmieny ŭzroŭniu pahrozy ŭ suviazi z uzmacnieńniem ŭkrainskich ŭdarnych sił vialikaj dalokaści. Za apošnija dva miesiacy napadam padvierhlisia štab Čarnamorskaha fłotu i jaho hałoŭny aeradrom marskoj avijacyi, nahadvajuć aŭtary zvodki.
Harantyja bazavańnia Čarnamorskaha fłotu ŭ Krymie, vierahodna, była adnoj z pryčyn, jakija zaachvocili prezidenta Rasii Uładzimira Pucina anieksavać paŭvostraŭ ŭ 2014 hodzie, miarkujuć aŭtary. U ciapierašni čas biaśpieka čarnamorskaj bazy akazałasia padarvanaja ahresijaj suprać Ukrainy.