Spravu razhladaŭ sudździa Michaił Jurčanka, dziaržabvinavavaŭca — pamočnik prakurora Viciebska Anton Ananienka.
Jaŭhien byŭ zatrymany 20 červienia i da suda źmieščany ŭ SIZA h. Viciebska.
Pa materyjałach abvinavačańnia, rabotnik pradpryjemstva «Aljans-płastyk» Jaŭhien Hukaŭ z 20 kastryčnika pa 20 listapada 2020 hoda šmatrazova ŭ telehram-čatach «Vulica Haharyna» i «Viciebsk-97» raźmiaščaŭ videarolik vystupu Alaksandra Łukašenki na kanale «Puł Pieršaha», jaki supravadžaŭ «abraźlivymi i niecenzurnymi kamientaryjami, z vykarystańniem nienarmatyŭnaj formaj maŭlenčaha vykazvańnia».
«A navošta vy padpisalisia na kanał «Puł Pieršaha»? Ź jakoj metaj?» — dapytvaŭsia sudździa ŭ abvinavačanaha.
Taksama 28 kastryčnika ŭ adnym z telehram-kanałaŭ Hukaŭ nibyta abraziŭ byłoha ministra ŭnutranych spraŭ Juryja Karajeva.
Padčas dopytu ŭ sudzie Jaŭhien patłumačyŭ, što ŭ 2021 hodzie byŭ dvojčy pryciahnuty da administracyjnaj adkaznaści pavodle art. 19.11 KaAP, byŭ aštrafavany, a letam 2021 hoda svoj telefon naŭmysna ŭtapiŭ u Dźvinie.
Svaju vinu ŭ sudzie Hukaŭ pryznaŭ całkam.
U sud pradstaŭlenyja stanoŭčyja charaktarystyki ź miesca pracy i žycharstva.
Abvinavačańnie zaprasiła dla Hukava pavodle art. 369 Kryminalnaha kodeksa abmiežavańnie voli z nakiravańniem va ŭstanovu adkrytaha typu terminam na dva hady, pavodle č. 1 art. 368 — dva hady pazbaŭleńnia voli va ŭmovach ahulnaha režymu. Pa sukupnaści pakarańniaŭ kančatkova pryznačyć dva hady pazbaŭleńnia voli ŭ kałonii ahulnaha režymu.
Sud pastanaviŭ pryznać Jaŭhiena Hukava vinavatym i pryznačyŭ jamu pakarańnie ŭ vyhladzie pazbaŭleńnia voli terminam na adzin hod i 10 miesiacaŭ u kałonii ahulnaha režymu.
