Prysud vyniesła sudździa Julija Ščotkina. Vasil Ramanienka da suda znachodziŭsia pad vartaj. Ału Ramanienka vypuścili na volu pad zakład u pamiery 9600 rubloŭ (3800 dalaraŭ). Paśla ŭstupleńnia prysudu ŭ siłu hrošy viernuć. Alaksandra Antanienka znachodziłasia na voli pad asabistym paručalnictvam. Viadoma, što ŭ Vasila jość dzicia.
Vasil i Ała Ramanienka dy Alaksandra Antanienka raniej užo byli asudžanyja pavodle taho ž artykuła.
Ich pryznali vinavatymi va ŭdziele ŭ troch Maršach. Zhodna z tekstam abvinavačvańnia, jany dziejničali naŭmysna i ŭzhodniena z hrupaj asobaŭ: pryniali aktyŭny ŭdzieł u niesankcyjanavanym mierapryjemstvie, nie reahavali na patrabavańni supracoŭnikaŭ milicyi spynić mierapryjemstva, znachodzilisia na prajeznaj častcy i pieraškadžali ruchu transpartu. U Ramanienkaŭ było dva BČB-ściaha.
Vasil Ramanienka raspavioŭ, što jany vyjšli na pratest, kab vykazać niazhodu z prymianieńniem uładaj siły da pratestoŭcaŭ u 2020 hodzie. Jon paznaŭ siabie na fotazdymkach z pratestaŭ i dobraachvotna pakryŭ častku škody ŭ pamiery 200 rubloŭ — pa 100 rubloŭ za dva epizody. Ała i Alaksandra taksama pryznali vinu i taksama pakryli častku škody — pa 200 i 100 rubloŭ adpaviedna.
«Minsktrans» ahučyŭ svoj isk na pakryćcio škody: 110 tysiač 624 rubli 90 kapiejek — z Ramanienkaŭ, 62 tysiačy 908 rubloŭ 83 kapiejki — z Antanienka. Iskiy buduć razhledžanyja ŭ asobnaj hramadzianskaj vytvorčaści. Na majomaść abvinavačanych nakładzieny aryšt.
U Minsku cełuju siamju asudzili za ŭdzieł u Maršach. Ich znajšli pa fatahrafijach
