Mikałaj Aŭtuchovič
Pra heta ŭ fejsbuku raspaviali jaho siabry: «A ŭ hrodzienskaj turmie niadaŭna ŭviali čarhovyja novyja praviły da pieradač i pasyłak. Ciapier admaŭlajucca pieradavać pradukty, jakija jość u prodažy na atavarcy. «Baržomi» i soki z pasyłki adpravili na skład, bo ŭ turemnaj kramie možna kupić vadu «Frost» i sok «Sočny». Aliŭkavy alej u pieradačy nie pryniali, bo ŭ ich kramie (časam) pradajecca słaniečnikavy alej, i navat toje, što jaho nie było ŭ prodažy, nie paŭpłyvała. Z sadaviny prymajuć ciapier tolki apielsiny, mandaryny, limony, jabłyki i hrušy. Avakada, banany i kivi, jakija raniej brali biez pytańniaŭ, ciapier prymać admaŭlajucca. Voś jašče Mikałaj napisaŭ, što nabyć niešta na atavarcy taksama stanovicca prablemaj, bo da jaho prosta nie prychodziać z kramy».
Paviedamlajecca, što ŭ cełym Mikałaj trymajecca niezvyčajna hodna i mocna. Kažuć, vyhladaje jon užo dobra, nakolki heta mahčyma, adnaviŭsia paśla haładoŭki, tolki cukar u kryvi vysoki.
«Z ulikam novaŭviadzieńniaŭ, u pasyłkach možna adpraŭlać sała, vialenaje miasa i kiłbasy, miasnyja čypsy, vytrymany syr, jaki nie sapsujecca bieź ladoŭni, arechi, suchafrukty (sušanyja jabłyki, kurahu), jabłyki, hrušy, limony, apielsiny, mandaryny, ahurki, radysku, cybulu, časnok, piečyva, šakaład, ziefir. Taksama darečy buduć kanvierty 1 kłasa, ručki», — raspaviadajuć siabry Mikałaja.
Z 11 lipienia pa 1 žniŭnia Aŭtuchovič trymaŭ haładoŭku, pratestujučy suprać taho, što jamu pieradajuć listy tolki ad maci i nie dastaŭlajuć haziety.
