Siarod znakavych biełaruskich palitviaźniaŭ — Maryja Kaleśnikava, paplečnica Śviatłany Cichanoŭskaj i Viktara Babaryki. Fota AP via Sputnik
Raniej za hetuju temu adkazvała inicyjatyva Juryja Vaskrasienskaha. Nakolki stała viadoma «Našaj Nivie», ciapier jany prapanujuć amnistyju dla asudžanych pa vynikach padziej 2020-ha hoda ŭ farmuloŭcy «za vyklučeńniem asudžanych pa ekstremisckich artykułach, a taksama uklučanych u śpis asob, jakija majuć dačynieńnie da terarystyčnaj dziejnaści».
Jakija ž artykuły tam nazyvajuć «ekstremisckimi»? Ad asob z koła Juryja Vaskrasienskaha «Našaj Nivie» stała viadoma, što ŭ ich inicyjatyvie jak takija razhladajuć nastupnyja artykuły: zakliki da niezakonnaha zachopu ŭłady, hvałtoŭnaha źmianieńnia kanstytucyjnaha ładu, publičnaje apraŭdańnie teraryzmu, hvałt u dačynieńni da słužbovych asob, raspaŭsiudžvańnie piersanalnych danych, publičnyja zakliki da sankcyj, raspraŭ, padpałaŭ, hvałtu i ažyćciaŭleńnie padobnych aktaŭ.
Vyhladaje, što ŭ vypadku takoha padziełu na svabodzie nie vyjduć palečnica Śviatłany Cichanoŭskaj i Viktara Babaryki Maryja Kaleśnikava, błohier Siarhiej Cichanoŭski, palityk Mikoła Statkievič dy inšyja viadomyja lidary ruchu za svabodnyja vybary. Zrešty, nie vyklučana, što pytańnie maštabu amnistyi jašče rašajecca.
takija lichija časy, što na dobraje dumać nie vypadaje (