Alaksandr Azaraŭ

Alaksandr Azaraŭ

— Ja nie saču za dziejańniami prakuratury ci jašče kahości, — skazaŭ Azaraŭ. — Kali ščyra, ja dumaŭ, nas užo daŭno pryznali. U śpisie terarystaŭ my z sakavika 2021 hoda, kali raspačali kryminalnuju spravu pa teraryźmie. Paŭklučali tady nas, Łatušku i Cichanoŭskuju. Dla mianie heta nie asablivaja navina. Dla mianie heta znak jakaści. Značyć, my idziom u pravilnym kirunku i robim usio pravilna.

29 sakavika 2021 hoda stała viadoma, što Hienprakuratura Biełarusi zaviała suprać Śviatłany Cichanoŭskaj, a taksama ŭdzielnikaŭ inicyjatyvy BYPOL kryminalnuju spravu ab padrychtoŭcy teraktu. Za try dni da hetaha, 26 sakavika, pres-słužba MUS Biełarusi paviedamiła ŭ svaim Telegram-kanale pra dva praduchilenyja terakty ŭ Minsku i Piečach.

Miž tym, płan «Pieramoha» taksama pryznany terarystyčnaj arhanizacyjaj. Udzielnikam (kali ich raskryjuć) pahražajuć bolšy terminy, čym da siońniašniaha dnia, kali jon byŭ ekstremisckim farmavańniem. Pieršaja častka artykuła 290-4 KK (stvareńnie arhanizacyi dla ažyćciaŭleńnia terarystyčnaj dziejnaści albo ŭdzieł u joj) praduhledžvaje ad 8 da 12 hadoŭ pazbaŭleńnia voli sa štrafam, druhaja — ad 7 da 10 hadoŭ sa štrafam. Alaksandr Azaraŭ śćviardžaje, što danyja ŭdzielnikaŭ płana nadziejna abaronienyja:

— I heta fejki, što jany nibyta kupili bazu «Pieramoha». Ale bazu nichto nie pradaje i kupić jaje niemahčyma, jana zasakrečanaja, na sierviery ŭ zašyfravanym vyhladzie. I ŭzłamać jaje niemahčyma. Užo kolki času prajšło? Bolš za paŭhoda. Kali b jany kupili bazu, to byli b masavyja aryšty. A ich niama.

Z nahody taho, što BYPOL pryznali terarystyčnaj arhanizacyjaj pa zajavie hienieralnaha prakurora Andreja Švieda, Azaraŭ ździŭleny.

— Raniej, nakolki ja pamiataju, hetym zajmaŭsia Homielski HUBAZiK. Nakolki ja razumieju, z homielskimi sudami ŭ ich była damoŭlenaść, — tłumačyć jon. — A Švied heta zrabiŭ, ja tak dumaju, čysta dla svajho pijaru pierad Łukašenkam. Jon pijarycca na našym imieni. Heta pakazvaje, što ŭłady z nami ŭsio-tki ličacca i bajacca. Dalej, ja ŭžo nie viedaju, što. Nazvać satanoj i addać anafiemie? Na našu pracu heta nie paŭpłyvaje, my budziem jaje praciahvać, a rašeńnie prakuratury, naadvarot, nas padbadzioryć. Ja voś z samaj ranicy prymaju vinšavańni ad usich.

Čytajcie taksama:

Łukašenkaŭcy pryznali BYPOL i «Płan «Pieramoha» terarystyčnymi arhanizacyjami

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?