Valeryj Fadziejeŭ
«My taksama ličym, što dzieci mihrantaŭ, jakija nie vałodajuć ruskaj movaj, nie pavinny zaličvacca ŭ našy škoły. Inakš navučańnie ŭsiaho kłasa budzie sarvana. Pacierpiać nie tolki rasijskija dzieci, ale i sami pryjezdžyja. Pra jaki adukacyjny praces možna havaryć, kali jany ničoha nie razumiejuć?», — zajaviŭ Fadziejeŭ.
Na jahonuju dumku, takich dziaciej nieabchodna adpraŭlać na hadavyja padrychtoŭčyja kursy pa ruskaj movie i «tolki paśla hetaha zaličvać u ahulny kłas».
«Miarkujem, što ŭ tych mihrantaŭ, chto časova pracuje ŭ Rasii, niama padstaŭ pryvozić siudy svaje siemji. Tym bolš, što mnohija naŭmysna pryjazdžajuć siudy naradžać», — dadaŭ Fadziejeŭ.
Taksama jon ad imia Savieta pa pravach čałavieka zajaviŭ, što «Saviet vystupaje suprać sproščanaha nadańnia hramadzianstva RF inšaziemcam, jakija adnaŭlajuć abjekty haspadarčaha, vajskovaha, kulturnaha i inšaha pryznačeńnia ŭ respublikach Danbasa i na vyzvalenych terytoryjach Ukrainy». Bo heta «moža pryvieści da masavych płyniaŭ budaŭnikoŭ ź Siaredniaj Azii bieź viedańnia ruskaj movy i zakonaŭ RF za rasijskim hramadzianstvam».
Pry hetym varta adznačyć, što kali ŭłady niejkaj krainy byłoha SSSR hetak ža rupliva starajucca zabiaśpiečyć viedańnie ruskamoŭnymi navat hramadzianami hetaj dziaržavy, nie kažučy pra pryjezdžych, miascovaj dziaržaŭnaj movy, to heta vyklikaje z boku rasijskich čynoŭnikaŭ i aficyjnych abaroncaŭ pravoŭ čałavieka vostruju pratesnuju reakcyju i abvinavačvańni ŭ «rusafobii».
