Rajkanien i Maryn. Fota ź siamiejnaha archiva.
Były futbalist, a ciapier biznesoviec naradziŭsia ŭ Chielsinki 16 vieraśnia 1985 hoda. Jon ravieśnik Maryn.
Junak ź dziacinstva cikaviŭsia futbołam. Pierš čym stać spartyŭnaj zorkaj, jon skončyŭ siaredniuju škołu, paśla čaho pastupiŭ u pryvatny ŭniviersitet. Viadoma, što va ŭzroście 21 hoda jon dałučajecca da futbolnaha kłuba TPV, za jaki hulaje da 2009 hoda. Zajmaŭ pazicyju centralnaha forvarda i dapamahaŭ kamandzie vyjhravać matčy.
Rajkanien na fota źleva.
U 2016 hodzie Markus zasnavaŭ ułasnuju kampaniju Nordic Spark Oy, što śpiecyjalizujecca na navukovych i kansultacyjnych pasłuhach. Dalej jamu prapanoŭvajuć pracu dyrektara pa kamunikacyjach i starejšaha daradcy ŭ transnacyjanalnaj kampanii Generaxion Finland. A ŭ 2021 jon paviedamiŭ, što zojmie pasadu hałoŭnaha apieracyjnaha dyrektara i starejšaha daradcy ŭ Henrico Digital, kampanii, jakaja prapanuje pasłuhi ličbavaha biźnies-kansultavańnia.
Markus zarabiŭ na žyćcio nie tolki svajoj futbolnaj karjeraj, ale šmat hrošaŭ jamu taksama pryniesła praca ŭ jakaści biznesmiena. Jaho kapitał na siońnia składaje kala 5 miljonaŭ dalaraŭ.
Para sustrakałasia amal 16 hadoŭ, pierš čym jurydyčna zamacavać svoj sajuz i zładzić viasielle u žniŭni 2020-ha. Pažanilisia ŭ Kiesaranta, dzie znachodzicca aficyjnaja rezidencyja premjer-ministarki Finlandyi. U ich užo jość dačka Ema Amalija Maryn, jakoj zaraz 3 hady.
Maryn i Rajkanien z dačkoj. Fota ź siamiejnaha archiva.
