Pjany Aflek u mašynie z byłoj žonkaj (źleva) i Aflek, kali nie pje. Fota: thesun.co.uk
Upieršyniu jon źjaviŭsia na ekranie va ŭzroście siami hadoŭ i chutka staŭ dziciačaj zorkaj adukacyjnaj prahramy «Padarožža Mimi», piša Onet.pl. Niahledziačy na heta, jaho maci spadziavałasia, što ŭ budučyni jaje syn abiare bolš nadziejnuju i surjoznuju prafiesiju. Adnak hetaha nie adbyłosia, i Ben Aflek, a dakładniej Biendžamin Hieza Aflek, pačaŭ skarać śviet kino.
Pośpiech pryjšoŭ zanadta chutka
Za scenar filma «Razumnik Uił Chantynh» (1997), jaki jon stvaryŭ razam sa svaim siabram dziacinstva Metam Dejmanam, 25-hadovy Aflek atrymaŭ «Załaty hłobus» i «Oskar» za najlepšy aryhinalny scenar. Pa hety dzień jon zastajecca samym maładym režysioram, jaki atrymaŭ uznaharodu ŭ hetaj katehoryi.
Skrynšot ź filma «Razumnik Uił Chantynh»
Jašče bolšaha pośpiechu jon damohsia, pastaviŭšy film «Apieracyja «Arho»», jaki ŭ 2013 hodzie atrymaŭ «Załaty hłobus» za najlepšuju režysuru i najlepšuju dramu, a taksama try premii «Oskar» za najlepšuju karcinu, najlepšy adaptavany scenar i najlepšy mantaž.
Aflek najbolš viadomy pa takich filmach, jak «Zakachany Šekśpir», «Armahiedon», «Źnikłaja», «Perł-Charbar», «Dziaŭčyna z Džersi» i «Śmierć Supiermena».
«Ja ałkaholik»
Jany paznajomilisia na zdymkach filma «Perł-Charbar» u 2001 hodzie, a dva hady praz źjavilisia razam u filmie «Hareza». Čutki pra raman Bena Afleka i Dženifier Harnier paćvierdzilisia tolki paśla razvodu aktrysy sa Skotam Foŭli i razryvam zaručyn Afleka z Dženifier Łopies u 2004 hodzie.
Aflek i Łopies padčas svajho ramana, 2003. Fota: Evan Agostini/Getty Images
Mienš čym praz hod, u červieni 2005 hoda, na soniečnaj vyśpie Perat-Kiej na Terks i Kajkas zakachanaja para vymaviła tajamničaje «tak». Užo ŭ śniežni źjaviłasia na śviet pieršaja ichniaja dačka — ciapier joj 16 hadoŭ, i jana vielmi padobnaja na svaju maci, Vajalet Aflek. Paśla ŭ ich naradziłasia jašče dvoje dziaciej — dačka Sierafina (2009) i syn Samuel (2012).
Aflek i Harnier ź dziećmi, 2019. Fota: Broadimage/Shutterstock
Adnak heta nie historyja nakštałt «i žyli jany doŭha i ščaśliva». Paśla roŭna 10 hadoŭ šlubu akciory abviaścili pra svoj razychod, i ich razvod byŭ kančatkova aformleny ŭ kastryčniku 2018 hoda. Samaj vialikaj prablemaj u ich adnosinach byŭ daŭni ałkahalizm Afleka.
Napačatku ichnich adnosin režysior Hery Uinik prapanavaŭ Harnier dałučycca da hrupy dla ludziej, jakija žyvuć z zaležnymi. Sapraŭdy, u 2001 hodzie Aflek prajšoŭ svaju pieršuju aficyjnuju reabilitacyju. U jaho vypadku, jak i ŭ vypadku mnohich inšych zorak, u frazie «Ananimnyja Ałkaholiki» niama miesca słovu «ananimny».
Pa paviedamleńniach, u 15 hadoŭ jon adpraviŭsia ŭ svoj pieršy łahier dla padletkaŭ z hrupy ryzyki. Paśla jon nieadnarazova lažaŭ u reabilitacyjnych klinikach, u tym liku ŭ 2001, 2017 i 2018 hadach, a ŚMI ŭvažliva sačyli za jaho baraćboj z zaležnaściu i paviedamlali pra jaje. Taksama nieadnarazova paviedamlałasia pra prablemy akciora z azartnymi hulniami.
Pjany Aflek hulaje ź luboŭnicaj, 2019. Fota: tmz.com
Siońnia Aflek, padobna, spraŭlajecca sa svajoj prablemaj. Adnak padčas šlubu z Harnier akcior pieražyŭ adny z samych ciažkich časoŭ u svaim žyćci. «Mnie spatrebiłasia šmat času, kab pa sutnaści, hłyboka, bieź cieniu sumnievu pryznacca samomu sabie, što ja ałkaholik», — skazaŭ jon u lutym 2020 hoda ŭ intervju The New York Times. U toj ža čas, padkreślivajučy, što luby recydyŭ «vidavočna haniebny», i dziela svaich dziaciej jon chacieŭ by, kab hetaha nikoli nie zdaryłasia. «Ja b vielmi chacieŭ, kab hetaha nie było ŭ internecie, kab maje dzieci hetaha nie bačyli», — skazaŭ jon. Sapraŭdy, u samy składany dla pary pieryjad paparacy zrabili mnostva ich fatahrafij, pra jakija jany, imavierna, chacieli b zabycca.
Choć u inšym bolš rańnim intervju akcior zajaviŭ, što praciahvaŭ by pić, kali b nie skasavaŭ šlub, u 2020 hodzie jon pryznaŭsia, što praciahvaje adčuvać siabie vinavatym. «Bolš za ŭsio ŭ žyćci ja škaduju ab tym razvodzie», — skazaŭ jon.
U 2018 hodzie novaziełandskaja hazieta NZ Herald nazvała Dženifier Harnier «samaj daravalnaj žonkaj Halivuda». Aktrysa padtrymlivała svajho muža nie tolki padčas ich šlubu, ale i padčas ich trochhadovaha rasstańnia, kali jana ŭžo viedała pra jaho raman ź nianiaj i jaho novyja adnosiny ź inšymi žančynami. Mienavita jana adviezła jaho na apošniuju reabilitacyju.
Aflek u mašynie z Harnier pa darozie ŭ kliniku pa lačeńni ałkahalizmu. Fota: nypost.com
Ałkahalizm? Heta siamiejnaje
«U majho baćki byli chraničnyja prablemy z ałkahalizmam, maja babula była ałkahaličkaj, moj brat pravioŭ niekatory čas u reabilitacyjnym centry, heta ŭ nas u hienach», — pryznaŭsia jon u 2016 hodzie. Kiejsi Aflek, małodšy brat Bena, paśla hetaha try hady nie piŭ.
U hetaj siamji doŭhaja historyja zaležnaści i psichičnych zachvorvańniaŭ: dva dzieda i baćka ałkaholiki, babula schilnaja da samahubstva, i ciotka, zaležnaja ad hierainu.
Adnak ałkahol — nie adzinaja prablema bratoŭ Aflek. Kiejsi, jaki atrymaŭ «Oskar» za rolu ŭ filmie «Mančester la mora», nibyta damahaŭsia pradziusarki Amandy Uajt i apieratarki Mahdaleny Horka, jakija pracavali ź im nad dakumientalnym filmam «Ja ŭsio jašče tut» u 2010 hodzie.
Ben i Kiejsi. Fota: gettyimages
U svaju čarhu, u 2017 hodzie aktrysa i viadučaja Chiłary Bartan abvinavaciła Bena ŭ tym, što ŭ 2003 hodzie jon schapiŭ jaje za hrudzi na kamieru. Paśla taho, jak sprava atrymała ahałosku, jon chutka paprasiŭ prabačeńnia za svaje pavodziny. Nieŭzabavie paśla hetaha vizažyst Anamary Tendler raskazała, što Ben Aflek «schapiŭ jaje za azadak na ŭručeńni «Załatych hłobusaŭ» u 2014 hodzie».
U pačatku svajoj karjery Aflek taksama źniaŭsia ŭ šerahu filmaŭ, spradziusavanych asudžanym za zhvałtavańnie i prymus da seksu Charvi Vajnštejnam, jakomu prysudzili 23 hady źniavoleńnia. Na pytańnie ab pradziusary na «The Late Show» u 2017 hodzie. Aflek padkreśliŭ, što nie choča kamientavać abvinavačvańni, bo kazać pavinien nie jon, a achviary. Adnak jon zajaviŭ, što ŭ budučyni achviaruje ŭsie dachody ad filmaŭ, źniatych u supracoŭnictvie z Vajnštejnam, na karyść RAINN (Rape, Abuse & Incest National Network), arhanizacyi, jakaja zajmajecca baraćboj z seksualnym hvałtam. Častka srodkaŭ taksama pavinna była pajści ŭ Film Independent, arhanizacyju, jakaja padtrymlivaje niezaležnych kiniematahrafistaŭ.
«Bienifier»
Adnosiny Bena Afleka hetak ža šyroka aśviatlajucca, jak i jaho ałkaholnaja zaležnaść. Da taho jak sustrecca z Dženifier Harnier, jon bolš za siem hadoŭ sustrakaŭsia z Čejn Rotman, ź jakoj paznajomiŭsia jašče ŭ škole.
Aflek i Rotman. Fota: Newscom/MEGA
U 1997 hodzie na zvanym viačery, arhanizavanym Charvi Vajnštejnam, akcior paznajomiŭsia z Hviniet Pełtraŭ. Para źniałasia razam u filmach «Zakachany Šekśpir» i «Hulnia ŭ kachańnie». Ich adnosiny doŭžylisia ź pierapynkami try hady.
Aflek i Piełtraŭ. Fota: Alex Berliner/BEI/Shutterstock
Jon paznajomiŭsia z Dženifier Łopies na zdymkach filma «Džylji». Paśla taho, jak razvod Łopies z Krysam Džadam byŭ kančatkova aformleny ŭ červieni 2002 hoda, jana i Aflek zaručylisia praź piać miesiacaŭ. U toj čas heta byli adny z samych hučnych adnosinaŭ znakamitaściaŭ. Para navat atrymała svaju ŭłasnuju mianušku — «Bienifier». Ab razryvie adnosin było abvieščana ŭ studzieni 2004 hoda, i Aflek pačaŭ sustrakacca z Harnier.
Da razvodu z Harnier akcior sustrakaŭsia z telepradziusierkaj Lindsi Šukus, ź jakoj, jak paviedamlajecca, u jaho zaviazaŭsia raman jašče da abviaščeńnia pra razvod.
Aflek i Šukus. Fota: Invision/AP/Shutterstock
Paśla ich rasstańnia ŭ 2017 hodzie akcior niadoŭha sustrakaŭsia z Šonaj Siekstan, jakaja była maładziejšaja za jaho bolš čym na dva dziesiacihodździ. U lutym 2019 hoda. Šukus i Aflek znoŭ syšlisia, ale ŭ krasaviku taho ž hoda ich adnosiny skončylisia nazaŭždy.
Aflek i Sekstan. Fota: SplashNews.com
U sakaviku 2020 hoda ŭ ŚMI ŭpieršyniu źjavilisia čutki pra raman Afleka z Anaj de Armas. Para, jakaja paznajomiłasia na zdymkach filma «Hłybokija Vody», chutka vyrašyła žyć razam. Adnak ich raman skončyŭsia jašče da vychadu filma.
Aflek i de Arman. Fota: MEGA
Mienavita tady «Bieńnifier» uźjadnaŭsia, u 2021 hodzie. U rešcie rešt, Łopies i Aflek dali adzin adnamu druhi šaniec. Zakachanyja ažanilisia 16 lipienia 2022 hoda ŭ Łas-Viehasie, praz paŭhady paśla abviaščeńnia pra zaručyny.
Ben Aflek i Dženifier Łopies padčas druhoha šlubu. Fota: harpersbazaar.com
Čytajcie jašče:
Džej Ło i Bien Aflek narešcie ažanilisia! Zhadvajem ich historyju kachańnia
