7000 dalaraŭ za try tydni za čaćviarych

Takuju sumu siamja Maryny (imia źmieniena) patraciła na adpačynak biez uliku vizaŭ. Jany byli ŭ Litvie, Hrecyi, Italii, Aŭstryi, Łatvii.

«U nas atrymaŭsia vielmi darahi adpačynak, ale ŭ im my nie byli z 2019-ha. Try hady źbirali hrošy. Vyrašyli, što ŭ naš čas ciažka niešta prahnazavać, lepš układacca ŭ dobryja emocyi i raźvićcio śvietapohladu svajho i dziaciej», — kaža žančyna. 

Za kvitki na aŭtobus ź Minska da Vilni siamja z čatyroch čałaviek addała 72 dalary, na samalot Vilnia-Afiny — 162, adtul da Vieniecyi — 250 dalaraŭ. Ciahnik da Vieny kaštavaŭ 76 dalaraŭ na ŭsich, samalot adtul da Ryhi — 165. 

Viena, Aŭstryja. Fota: wikiway.com

Viena, Aŭstryja. Fota: wikiway.com

«Za žytło ŭ Afinach, jano było kala mora, addali 423 dalary za 14 dzion, u Vieniecyi — 495 za 4 dni. U Vienie — 212 za dźvie nočy, u Ryzie — 165 za try dni, u Vilni — 65 dalaraŭ za adnu noč. Usiudy žyli ŭ kvaterach.

Bolš za ŭsio pajšło na žytło, ježu ŭ restaranach, pachody ŭ muziei, zaaparki, atrakcyjony, padarunki, pieramiaščeńni na taksi — ahułam 4,5 tysiačy. Samaje darahoje žytło, kaniešnie, u Vieniecyi. 

Bilety ŭ muziej u Vienie kaštavali 16 jeŭra za darosłaha, dzieciam biaspłatna, zaapark u Hrecyi — 60 jeŭra za čaćviarych, Akropal — 15 jeŭra za čałavieka», — apisvaje traty žančyna. 

700 dalaraŭ za dziesiać dzion za adnaho 

Hetym letam Alaksiej (imia źmieniena) byŭ u Hruzii. 

«Ź Minska jechaŭ na aŭtobusie praz Rasiju da Batumi. Pucioŭka kaštavała 400 dalaraŭ, tudy ŭvachodziŭ pierajezd, ekskursija ŭ Tbilisi, Mcchiecie, pražyvańnie ŭ hateli (4 zorki) sa śniadankam. Plus jašče traty na ježu. Nie ličyŭ, kolki na jaje traciŭ, ale kuplaŭ usio ŭ kramie. U kafe dva razy tolki chadziŭ.

Batumi, Hruzija. Fota: wikiway.com  

Batumi, Hruzija. Fota: wikiway.com

Patraciŭ taksama pa 25 dalaraŭ za ekskursii ŭ manastyry i pryrodnyja abjekty. Jašče samastojna jeździŭ pa vakolicach Kabuleci, na heta — kala 20 dalaraŭ. Suvieniry dla blizkich — kala 60. Dziaŭčynie nabyŭ juvielirny vyrab — 40 dalaraŭ, siabru vino — 6», — pieraličaje chłopiec. 

Hrošy na adpačynak jon adkłaŭ za hod.

Kala 2000 jeŭra za dziesiać dzion za čaćviarych

Valer (imia źmieniena) žyvie ŭ Hiermanii. Hetym letam jon razam ź siamjoj jeździŭ adpačyvać u Charvatyju, Bośniju i Čarnahoryju. Atrymaŭsia tryp pa Bałkanach.

«My nie płanavali kudyści jechać, ale ŭbačyli kvitki pa 5 jeŭra ŭ Zahrab i nie zdoleli ŭtrymacca. Zvyčajna jeździm tak, što kvitki nazad nie nabyvajem. Atrymlivajecca taki fryrajd. U hety raz taksama.

Kotar, Čarnahoryja. Fota: asabisty archiŭ 

Kotar, Čarnahoryja. Fota: asabisty archiŭ 

Načny pierajezd Zahrab-Sarajeva na aŭtobusie — 90 jeŭra na čatyry čałavieki. U Bośnii dastatkova tanna. Pabyli ŭ stalicy i pajechali ŭ Mostar, jon bolš turystyčny horad. Jechali ciahnikom — 12 jeŭra na darosłaha. Tam takija šykoŭnyja krajavidy za aknom, što ja byŭ hatovy zapłacić bolš. U Mostary my praviali dva dni i pajechali ŭ Čarnahoryju taksama aŭtobusam. Z Mostara ŭ Kotar — 90 jeŭra na aŭtobusie na ŭsiu siamju», — raskazvaje jon. 

Maksimalna tanna dla Valera było ŭ Bośnii. Źniać kvateru na sutki tam kaštuje 40-50 jeŭra.

«U Mostary za načleh zapłacili 45 jeŭra. 

U Zahrabie dastatkova doraha było — 80 jeŭra za sutki. Byli tam adzin dzień. Nie viedaju, čamu, ale ŭ cełym tam mała volnych kvater. Maksimalna naš biudžet «prajeła» Čarnahoryja, tam ceny na arendu kvater na sutki startavali ad 100 jeŭra. Možna było mocna sekanomić, kali jechać bieź dziaciej, spać u jakim-niebudź parku.

Na pieršyja dva dni my źniali žytło za 130 jeŭra z basiejnam, jano było adnym z samych tannych i ŭ maksimalna pryhožym miescy. Paśla jašče na dva dni znajšli lepšy varyjant — za 70 jeŭra, blizka da plaža. Takija varyjanty źjaŭlajucca redka», — kaža jon. 

Sarajeva, Bośnija. Fota: asabisty archiŭ

Sarajeva, Bośnija. Fota: asabisty archiŭ

Plažny adpačynak Valer nie lubić. Tamu paśla troch dzion u Kotary kala mora siamja pajechała jašče na sutki ŭ hory.

«Tam košt žytła startuje ad 20 jeŭra. Ale my ŭziali kvateru daražejšuju, dakładna nie pamiataju, za jakija hrošy.

Nie vielmi šmat patracili na muziei. U adzin my išli płatna ŭ Zahrabie, u Sarajeva — biaspłatna. Bolš hulali. U Sarajeva tracilisia na padjomnik — kala 20 jeŭra. Na ježu syšło hrošaj nie tak šmat, asabliva ŭ Bośnii. Charčavalisia ŭ kaviarniach, restaranach. U Mostary ŭčatyroch možna było pajeści na 25 jeŭra ŭ restaranie.

Viartańnie nazad u Hiermaniju kaštavała nam doraha, łoŭkostaŭ nie było. Zapłacili 560 jeŭra», — padsumoŭvaje Valer.

Kala 3000 jeŭra za šasnaccać dzion za adnaho 

Alaksandr (imia źmieniena) hetym letam jeździŭ u Hrecyju, na vostraŭ Korfu. 

«Lacieŭ ź Vilni. Kvitki braŭ dzieści za paŭtara miesiaca — 300 jeŭra. Chaciełasia b, kaniečnie, tańniej, ale takich nie było. Usio ž u Hrecyju vielmi šmat ludziej jeździać adpačyvać.

Žytło — amal što 2000 jeŭra. Ale heta kala mora. Zdymaŭ apartamienty, ale spačatku hladzieŭ hateli. Kali brać ich, to atrymałasia b za dva tydni kala 3000-3500 jeŭra, vielmi doraha. Astatniaje patraciŭ na ježu: viačeraŭ kožny dzień u restaranie, astatniaje kuplaŭ u kramie. Moža, kala 20 jeŭra patraciŭ na kvitki na aŭtobus, jedziŭ pa vostravie. U muziei nie chadziŭ, navat nie viedaju, ci jość jany tam. 

Vostraŭ Korfu, Hrecyja. Fota: wikiway.com

Vostraŭ Korfu, Hrecyja. Fota: wikiway.com

Jašče patraciŭ kala 70 jeŭra na ekskursiju na vinakurniu. I tam zakupiŭsia vinom. 

U cełym heta byŭ pa košcie taki ž samy moj adpačynak, jak i ŭ minułym hodzie. Moža, na 500-600 jeŭra daražejšy. Niechta skaža: ničoha sabie, kolki jon tracić hrošaj! A ja liču, što na adpačynak škadavać nie treba. Ja škaduju hrošy tolki na novuju techniku, telefon, naprykład. Na hetaje padarožža bolšuju sumu ja adkłaŭ za hod i jašče ŭziaŭ toje, što raniej źbiraŭ», — raskazvaje chłopiec.

Čytajcie taksama: 

U adpačynak na samalocie. Kudy i pačym možna palacieć ź Minska, Varšavy i Vilni

Kudy pajechać. Zakapane i polskija Tatry — hory i šalonyja panaramy

U lipieni biełarusy i ŭkraincy zapłacili padatkaŭ u Litvie amal na 10 młn jeŭra

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?