Źnižeńnie vałavaha ŭnutranaha praduktu, pa jahonych słovach, źviazanaje ŭ pieršuju čarhu z sankcyjnymi abmiežavańniami i paźniejšymi terminami pačatku sielskahaspadarčych rabot.
«Užo ŭ žniŭni my prademanstrujem bolš efiektyŭnyja ličby pa VUP. Jaho źnižeńnie źviazana ŭ tym liku z pytańniami sielskahaspadarčaj haliny, tamu što sioleta było surjoznaje zrušeńnie ŭsich ahranamičnych terminaŭ: pa ŭboračnaj kampanii ahraryi iduć na 2-3 tydni paźniej. Adpaviedna, atrymaŭsia nievialiki pravał. Da kanca žniŭnia budzie nabrany dobry temp, i navat na hetym fonie pakazčyk VUP palepšycca», — skazaŭ Hałoŭčanka.
Premjer poŭny pazityvu: usie pastaŭlenyja zadačy ŭ ekanomicy buduć vykananyja, prybytak pradpryjemstvaŭ-fłahmanaŭ raście, a kredytnaja zapazyčanaść — źnižajecca. A pa vynikach hoda Biełaruś nibyta čakaje rekordnaje źniešniehandlovaje salda.
Pa słovach Hałoŭčanki, ni pra jakuju recesiju siońnia havorki być nie moža: «Recesija — heta kali źnižajecca abjom vytvorčaści i pastupleńnie dachodaŭ, razhaniajecca inflacyja».
U toj ža čas fakty śviedčać pra advarotnaje. VUP Biełarusi za siem miesiacaŭ upaŭ na 5,2%, pryčym spad paskarajecca, a realnyja dachody biełarusaŭ upali na 2,7%. Abjom vytvorčaści sielhaspradukcyi skaraciŭsia na 10,4%, ale tut sapraŭdy nie ŭsio tak kiepska.
Čytajcie taksama:
Novaja mudraść ad Hałoŭčanki: Kali prapanovy nie naradžajucca źnizu — jany pryjduć źvierchu
U sielskaj haspadarcy abvał. Abjom pradukcyi skaraciŭsia na 10,4%. Adnak usio nie tak kiepska
Spad ekanomiki Biełarusi paskarajecca
