«Papiarednie. U Kierčy spracavali sistemy SPA. Niebiaśpieki dla horada i (Krymskaha) mosta niama», — napisaŭ jon u svaim telehram-kanale.
Vidavočcy paviedamlajuć pra dva vybuchi ŭ horadzie. Pra ich pišuć u miascovych supołkach «VKontaktie», taksama infarmacyju pieradali na sajt «Krym. Riealii».
Pa źviestkach z sacyjalnych sietak, pieršyja hučnyja vybuchi «ŭsia Kierč pačuła» ŭ 20:42. U ludziej zadryžali šyby, spracavali sireny aŭtamabilaŭ. Žychary Kierčy pačali pisać, što bačyli ŭ niebie śvietłuju dymavuju pałasu.
U 20:56 pačuŭsia jašče adzin mahutny huk, padobny na vybuch, i ŭ niebie praz paru siekundaŭ źjaviłasia vohniennaja ŭspyška, jakaja źnikła taksama praź niekalki siekund.
Taksama raspaŭsiudžvajecca videa, pra jakoje śćviardžajuć, što jano nibyta źniata taksama tam.
Mienavita ŭ Kierčy biare svoj pačatak Kierčanski abo Krymski most, jaki złučaje akupavany Krym z Rasijaj.
