Uvosień Pałata pradstaŭnikoŭ płanuje pryniać papraŭki ŭ zakanadaŭstva ab licenzavańni, u vyniku jakich hetaja dziejnaść stanie niemahčymaj biez atrymańnia aficyjnaha dazvołu na jaje ažyćciaŭleńnie. A jašče raniej — užo ź vieraśnia biahučaha hoda — Ministerstva adukacyi płanuje ŭvieści abaviazkovuju dziaržaŭnuju akredytacyju dla takich ustanoŭ, zajaviŭ ministr adukacyi Andrej Ivaniec.
Hod tamu tahačasny ministr adukacyi Ihar Karpienka zajaviŭ, što pryvatnyja dziciačyja sady i škoły stali ŭ krainie «apornymi punktami kalarovaj revalucyi», a ich supracoŭniki i kiraŭniki «apynulisia ŭ destruktyŭnych arhanizacyjach».
Alaksandr Łukašenka tady zajaviŭ, što ŭ škołach krainy treba «navieści paradak, čaho b heta ni kaštavała».
