DTZ adbyłosia ŭ piatnicu ranicaj na vulicy Rynhštrase. Pa słovach vidavočcaŭ, da pryjezdu palicyi ŭ mašynie vinoŭnika avaryi adbyłasia źmiena vadziciela.
Adnak chutka aŭto spynili. 39-hadovy vadziciel ad ałkatesta admoviŭsia. 33-hadovy pasažyr, jaki, pavodle słoŭ śviedkaŭ, spačatku byŭ za rulom aŭtamabila, pahadziŭsia na pravierku, jakaja pakazała vynik u 2,32 pramile.
U vyniku DTZ lohkija traŭmy atrymali treci pasažyr aŭtamabila, vinavataha ŭ DTZ, a taksama 23-hadovy vadziciel i troje jaho pasažyraŭ (23, 27 i 27 hadoŭ) inšaha aŭto.
«Supracoŭnictva z pravaachoŭnikami było abmiežavanym. I niadziŭna: jak stała viadoma Kronen ź insajderskich kołaŭ, hetyja mužčyny vysokapastaŭlenyja dypłamaty ŭkrainskaha pasolstva» — adznačaje vydańnie.
Aficyjna ŭ palicyi Vieny paćviardžajuć tolki toje, što kiroŭca aŭtamabila-vinavataha ŭ avaryi sapraŭdy byŭ pjany.
«Kali pasolstva Ukrainy ŭ Vienie pa ŭłasnym žadańni nie zdymie z padazravanych dypłamatyčnuju niedatykalnaść, to pjany deboš zastaniecca jurydyčna biespakaranym» — piša Kronen Zeitung.
