«Halereja Minsk». Šmat rasijskich turystaŭ jeduć ciapier u Biełaruś, kab zakupicca brendavaj pradukcyjaj
Rostu popytu na turyzm u Biełaruś dapamahła transpartnaja dastupnaść kirunku. Z 8 žniŭnia «Biełavija» lotaje va ŭsie aeraporty Maskvy štodnia, da taho ž vykonvaje rejsy ź Minska ŭ bolš čym 10 rehijonaŭ Rasii. I ceny na kvitki dla rasijan nievysokija. Akramia taho, dabracca da Biełarusi možna na ciahniku ci na asabistym aŭtatransparcie, tym bolš što kavidnyja abmiežavańni źniatyja.
Pavodle acenak hulcoŭ arhanizavanaha turystyčnaha rynku, u paraŭnańni ź minułym siezonam Biełaruś dadała ŭ popycie 10-15%, a ŭ niekatorych bujnych kampanijach paviedamlajuć i pra bolšuju dynamiku. Tak,
Hanna Aŭsiankina, kiraŭnik adździeła «Siaredniaja pałasa RF i krainy SND» turapieratara «Delfin», havoryć navat pra bolš čym 60% pavieličeńnia prodažaŭ turaŭ u Biełaruś.
Pavodle słoŭ Aŭsiankinaj, u asnoŭnym hety rost idzie za košt aŭtaturystaŭ i tych, chto padarožničaje ciahnikom. Jany branirujuć u Biełarusi haścinicy i sanatoryi. Dola avijaturystaŭ pakul nie takaja vialikaja: pieravažna, pieraloty vybirajuć tyja, chto jedzie ŭ sici-tury abo tury vychadnoha dnia.
Na fonie sychodu mnohich zamiežnych brendaŭ z rasijskaha spažyvieckaha rynku i inšych nastupstvaŭ antyrasijskich sankcyj rasijanie stali jeździć u Biełaruś za tavarami viadomych brendaŭ. Tym bolš što raźlik pa rasijskich kartach «Mir» u Biełarusi pravodzicca pa vyhadnamu kursu Nacbanka.
Pavodle nazirańnia ekśpiertaŭ turapieratara «Multytur», šopinh-turysty, jak praviła, jeduć u Minsk na vychadnyja, ź piatnicy pa niadzielu, i ŭ asnoŭnym branirujuć tolki hateli. Turahienctva FUN&SUN rychtujecca navat zapuścić śpiecyjalny šop-tur u Biełaruś, u ramkach jakoha pry nieabchodnaści možna budzie adkryć bankaŭskuju kartu Visa abo Mastercard biełaruskaha banka.
Ale niahledziačy na novyja trendy i źmieny ŭ spažyvieckich pieravahach turystaŭ, hałoŭny turystyčny pradukt, pa jaki rasijanie jeduć u Biełaruś, pakul niaźmienny. Heta pa-raniejšamu sanatorna-azdaraŭlenčy adpačynak.
Śpiecyjalisty turapieratara FUN&SUN raspaviadajuć, što ŭ hetym hodzie ŭ sanatoryjach Biełarusi składana z volnymi miescami: jany zapoŭnienyja jak na ŭźbiarežžy Sočy, až da vieraśnia-kastryčnika. Prytym niekatorym, jakija raniej jeździli na niekatoryja pracedury ŭ jeŭrapiejskija zdraŭnicy, ciapier rekamiendujuć jechać u Biełaruś. Niekatoryja raniejšyja klijenty češskaha Jachimava ciapier «impartazamiaščajuć» jaho ŭ biełaruskim sanatoryi «Alfa Radon», bo kancepcyi blizkija.
Mienavita rasijanie, jakija šmat hadoŭ jeździać u Biełaruś na lačeńnie i azdaraŭleńnie, składajuć jadro aŭdytoryi turystaŭ z Rasii. Typovy ŭzrost hetaj aŭdytoryi — 60+. Ale i tut situacyja pastupova mianiajecca.
Pa słovach Hanny Aŭsiankinaj z «Delfina», aŭdytoryja biełaruskaha kirunku pastupova maładzieje, i ciapier usio bolš jeduć płaciežazdolnyja turysty va ŭzroście ad 25 da 45 hadoŭ. Jany źjaŭlajucca «ruchavikami» novych spažyvieckich pieravah.
«Dziakujučy hetaj aŭdytoryi raście popyt na ekskursijnyja tury, tury vychadnoha dnia. Pavialičvajecca i praciahłaść pajezdak u Biełaruś. Kali raniej heta byli tury na 3-4 dni, to siońnia my bačym pavieličeńnie kolkaści zajezdaŭ pa ekskursijnych prahramach ad 5 da 7 dzion», —— reziumuje Aŭsiankina.
