Zhodna z adnym z pałažeńniaŭ pastanovy, zaćviardžajecca paradak pryznańnia dakumientaŭ ab adukacyi, vydadzienych u zamiežnych dziaržavach, i ŭstanaŭleńnia ich ekvivalentnaści (adpaviednaści) dakumientam ab adukacyi Biełarusi, pryznańnia i ŭstanaŭleńnia adpaviednaści pieryjadaŭ navučańnia ŭ zamiežnych arhanizacyjach.
Pałažeńniem vyznačana, što pryznańnie zamiežnaha dakumienta ab adukacyi robicca Ministerstvam adukacyi na padstavie piśmovaj zajavy ŭ dziaržaŭnuju ŭstanovu adukacyi «Respublikanski instytut vyšejšaj škoły» (RIVŠ) ad uładalnika adpaviednaha dakumienta. Zajava taksama moža być padadziena ad imia zajaŭnika jaho zakonnym pradstaŭnikom abo davieranaj asobaj.
Na praciahu adnaho miesiaca z dnia padačy zajavy RIVŠ jaje razhladaje.
Dla pryznańnia zamiežnych dakumientaŭ ab adukacyi RIVŠ pravodzić ich ekśpiertyzu, za vyklučeńniem dakumientaŭ, vydadzienych zamiežnymi arhanizacyjami, jakija ažyćciaŭlajuć padrychtoŭku kadraŭ na asnovie zaklučanych dahavoraŭ dla US Biełarusi i orhanaŭ pahraničnaj słužby; vydadzienych zamiežnymi arhanizacyjami, jakija ažyćciaŭlajuć padrychtoŭku kadraŭ u ramkach realizacyi pałažeńniaŭ mižnarodnych dahavoraŭ Biełarusi i inšych mižnarodna-pravavych aktaŭ ab supracoŭnictvie ŭ śfiery adukacyi, a taksama jakija śviedčać ab asvajeńni źmiestu adukacyjnych prahram pavyšeńnia kvalifikacyi kirujučych rabotnikaŭ i śpiecyjalistaŭ, pavyšeńnia kvalifikacyi rabočych (słužačych).
RIVŠ taksama ŭstanaŭlivaje fakt navučańnia zajaŭnika i vydačy na iaho imia zamiežnaha dakumienta ab adukacyi, mahčymaść prymianieńnia pałažeńniaŭ mižnarodnych dahavoraŭ adnosna zamiežnaha dakumienta ab adukacyi, najaŭnaść istotnych adroźnieńniaŭ u pravach zajaŭnika ŭ dziaržavie vydačy i ŭładalnika adpaviednaha dakumienta ab adukacyi Biełarusi, akredytacyi abo inšaj formy dziaržaŭnaha pryznańnia zamiežnaj arhanizacyi ŭ jakaści kampanienta nacyjanalnaj sistemy adukacyi i inšaje.
Pałažeńniem taksama vyznačanyja kryteryi, paradak pryznańnia i ŭstanaŭleńnia adpaviednaści pieryjadaŭ navučańnia ŭ zamiežnych arhanizacyjach.
Pastanova ŭstupaje ŭ siłu z 1 vieraśnia 2022 hoda.
