Fota: imgur.com
Aptyčnyja iluzii — heta składanyja dla razumieńnia malunki abo vyjavy niejkich abjektaŭ ci źjaŭ, jakija vyhladajuć pa-roznamu ŭ zaležnaści ad taho, ź jakoha rakursu ich razhladać. Isnujuć roznyja vidy aptyčnych iluzij: fizičnyja, fizijałahičnyja i kahnityŭnyja, raskazvaje jagranjosh.com.
Aptyčnyja iluzii — heta nie prosta cikavyja malunki. Jany jašče i vyvučajucca ŭ psichaanalizie, bo demanstrujuć toje, jak pa-roznamu ludzi ŭsprymajuć śviet. Dobry prykład hetaha — iluzija, jakuju my vam siońnia pakazvajem.
Heta tak zvanaja iluzija Hierynha, pieršuju viersiju jakoj stvaryŭ u 1861 hodzie niamiecki fizijołah Evald Hierynh. Jana sumiaščaje ŭ siabie razmytyja linii i zatrymku ŭ našym usprymańni infarmacyi. Kali ž my bačym takija razmytyja linii, jak na hetaj iluzii, naš mozh usprymaje heta jak prykmietu taho, što niešta ruchajecca.
Pahladzicie ŭvažliva na iluziju i na čyrvonyja linii na joj. Jany pramyja ci kryvyja? Adkaz i tłumačeńnie iluzii šukajcie pad anonsami.
Kalarovaje ci čorna-biełaje? Hetaje FOTA vas źbiantežyć
Aptyčnaja iluzija: hetaha kata pabačać tolki tyja, chto ŭmieje myślić niestandartna
Viadoma, nasamreč čyrvonyja linii pramyja i paralelnyja. Ale toje, što šeryja linii ruchajucca ŭ kirunku centra, prymušaje ličyć, što čyrvonyja nasamreč kryvyja, bo mozh sprabuje pradkazać trajektoryju na asnovie ruchu šerych linij. Čyrvonyja linii — pramyja i paralelnyja, ale ž fon prymušaje ŭsprymać ich pa-inšamu.
Heta składanaja aptyčnaja iluzija, bo ŭ joj sumiaščajecca i źmiena formy, i źmiena koleru. Zvyčajna mozhu ciažka adździalać adzin ad adnaho roznyja kolery, jakija blizkija ŭ śpiektry.
