Fota: BBC Food
Klafuci — strava pachodžańniem z francuzskaha rehijona Limuzin. Jak nazva, niezvyčajnaja dla francuzskaj movy, utvoranaja ad staroha aksitanskaha słova.
Kab zhatavać višniovy klafuci, vam spatrebicca:
- 450 hramaŭ śpiełych višań dobraj jakaści (vydalicie ź ich kostki),
- 6 stałovych łyžak cukru + jašče trochi dla pasypańnia,
- 3 stałovyja łyžki višnioŭki ci višniovaha likioru (kali žadajecie),
- 20 hramaŭ masła + jašče trochi, kab našmaravać formu,
- 2 jajki,
- pałova čajnaj łyžki vanilnaha ekstraktu (abo 10 hramaŭ vanilnaha cukru),
- 1 stałovaja łyžka muki z horkaj,
- 50 hramaŭ małaka narmalnaj tłustaści,
- 75 hramaŭ uźbitych viarškoŭ,
- drobka soli.
- Aściarožna pieramiašajcie višni, 3 stałovyja łyžki cukru i (kali vykarystoŭvajecie) višnioŭku, pakińcie nastojvacca na dźvie hadziny. Za hety čas cukar pavoli pratočycca ŭ višni i zrobić ich smak bolš intensiŭnym.
- Razahrejcie duchoŭku da 180 hradusaŭ. Zmažcie formu masłam i pasypcie cukram. Patrasicie formu, kab cukar raŭnamierna pakryŭ jaje ŭnutranuju častku, potym prybiarycie z formy lišni cukar.
- Razahravajcie masła ŭ maleńkaj patelni, pakul jano nie nabudzie bledna-arechavy koler. Nie pieratrymajcie masła, bo inakš jano stanie jołkim i niebiaśpiečnym dla spažyvańnia. Prybiarycie patelniu z ahniu i adstaŭcie jaje ŭ ciopłaje miesca.
- Pakładzicie ŭ vialikuju misku jajki, reštki cukru i vanil, źmiešvajcie ich miksieram, pakul sumieś nie nabudzie kansistencyi viarškoŭ.
- Dadajcie muku i źmiašajcie da adnarodnaści. Potym pastupova ŭviadzicie ŭ sumieś małako, viarški, sol i masła.
- Dadajcie ŭ sumieś višni, pieramiašajcie. Vylicie sumieś u padrychtavanuju formu.
- Zapiakajcie klafuci ŭ duchoŭcy na praciahu 30—35 chvilin ci pakul vierch desiertu nie ŭzdymiecca. Kali vy pratykajecie hatovy klafuci nažom i potym dastajacie jaho, na lazie nie pavinna zastavacca ciesta.
- Pasypcie klafuci cukram i padavajcie ciopłym.
Recept na vychadnyja. Faršyravanyja bakłažany — kłasičny italjanski sialanski recept
Recept na vychadnyja: piersikavaje maroziva džełata
Jakija inhredyjenty možna dadavać u kavu, a ad čaho lepiej ustrymacca
3
3
0
1
1
1
