«Ja vielmi zaniepakojeny ŭčorašnim abstrełam najbujniejšaj u Jeŭropie atamnaj elektrastancyi, jaki padkreślivaje całkam realnuju niebiaśpieku jadziernaj katastrofy, jakaja moža pahražać zdaroŭju nasielnictva i navakolnamu asiarodździu va Ukrainie i za jaje miežami», — havorycca ŭ zajavie Hrosi na sajcie MAHATE.
Hiendyrektar MAHATE zajaviŭ, što vajennyja dziejańni, jakija staviać pad pahrozu biaśpieku ZAES, «całkam nieprymalnyja i pavinny być pieraduchileny luboj canoj».
«Ja rašuča i nastojliva zaklikaju ŭsie baki prajaŭlać maksimalnuju strymanaść pablizu hetaha važnaha jadziernaha abjekta ź jaho šaściu reaktarami. I ja asudžaju lubyja hvałtoŭnyja dziejańni, učynienyja na Zaparožskaj atamnaj elektrastancyi abo pablizu ad jaje, abo suprać jaje piersanału», — zajaviŭ Hrosi.
Jon padkreśliŭ, što ŭkrainski piersanał, jaki pracuje na akupavanaj stancyi, pavinien mieć mahčymaść vykonvać svaje abaviazki biez pahroz abo nacisku, jakija padryvajuć taksama biaśpieku AES.
«Kab pieraduchilić dalejšaje vyjście situacyi z-pad kantrolu, prysutnaść MAHATE dla akazańnia techničnaj padtrymki ŭ halinie jadziernaj biaśpieki maje pieršasnaje značeńnie», — napisaŭ Hrosi.
Toje, što hetaja žyćciova važnaja misija jašče nie adbyłasia, nie źviazana z MAHATE, raspavioŭ hiendyrektar MAHATE.
Jon napisaŭ, što praciahnie damahacca, kab hetaja misija MAHATE narešcie adbyłasia.
