«Hazpram» zajaŭlaje, što sankcyi Kanady, ES, Vialikabrytanii i nieadpaviednaść situacyi abaviazacielstvam Siemens robiać pastaŭku ruchavika na kampresarnuju stancyju «Paŭnočnaha patoku-1» niemahčymaj.
Siemens pravodziła ramont hetaj turbiny na svaim zavodzie ŭ Manreali. Z Kanady paśla ramontu ruchavik pierapravili ŭ Hiermaniju. ŚMI paviedamlali, što baki nijak nie mohuć pierasłać adzin adnamu nieabchodnyja dla adpraŭki turbiny dakumienty.
Siońnia turbinu navat ahledzieŭ kancler Hiermanii Ołaf Šolc. Raniej niamieckija ŚMI paviedamlali, što paśla hetaha paśla hetaha turbina budzie hatovaja da adpraŭki ŭ Rasiju.
Hazapravod «Paŭnočny patok» biez turbiny pracuje, ale na panižanaj mahutnaści.
Takaja zajava zjaŭlajecca faktyčnaj admovaj «Hazprama» na ŭstanoŭku adramantavanaj turbiny i stavić kryž na nadziejach ES na pavieličeńnie pastavak hazu pa «PP-1».
