Pavieł Piskun. Fota: sacsietki

Pavieł Piskun. Fota: sacsietki

Pavieł z Mazyra, vučyŭsia ŭ Naraŭlanskim prafiesijnym licei. Jamu zastavałasia litaralna 3—4 miesiacy da vypusku.

Jahonym chobi byŭ sport. Chłopiec ź dziacinstva zajmaŭsia roznymi vidami sportu: volnaj baraćboj, viesłavańniem. Hod advučyŭsia ŭ škole alimpijskaha reziervu. Apošnim časam zachaplaŭsia paŭerlifcinham, žymam štanhi ležačy, i jeździŭ na spabornictvy.

«U jaho byŭ skalijoz, tamu jon dalej nie zdoleŭ zajmacca sportam prafiesijna, choć maryŭ prabicca», — raskazvaje siabra Paŭła.

Pavieł u spartovaj zali. Fota: sacsietki

Pavieł u spartovaj zali. Fota: sacsietki

Siamja samaja zvyčajnaja, dvoje dziaciej — Pavieł i starejšaja siastra, jakaja vučycca ŭ Minsku. Znajomyja pra jaho dobra adhukajucca.

«Raniej nijakich prablemaŭ z zakonam jon nie mieŭ. U škole Paša nie nadta šmat času pryśviačaŭ vučobie, ale ŭžo ŭ licei dobra siabie zarekamiendavaŭ i padniaŭ siaredni bał ledź nie ŭdvaja — jon staŭ vyšejšym za 8 bałaŭ.

Jak jaho znajšli — niezrazumieła. Jon kidaŭ fota ŭ niejki bot», — zhadvaje siabar.

Zatrymali Paŭła 8 sakavika. Jany siamjoj adznačali śviata, Paša ź dziaŭčynaj pajšli hulać. Ale kala pieršaj hadziny dziaŭčyna pačała bić tryvohu — Paša pajšoŭ sustrecca ź siabram i źnik.

«Usie adrazu zrazumieli, niešta nie tak, bo Paša zaŭždy byŭ na suviazi i adkazna da hetaha stavicca. Jaho pačali šukać, abzvońvać usie instancyi. A kala vośmaj svajakam pateliła milicyja i skazała, što jon zatrymany.

Pavieł Piskun. Fota: sacsietki

Pavieł Piskun. Fota: sacsietki

Kaniešnie, dla ŭsich heta byŭ šok. Siamji było vielmi ciažka, siastra navat na miesiac zastałasia ŭ Mazyry z baćkami.

Maci kazała, što padčas pieršaha sumiesnaha dopytu ŭ jahonych vačach byŭ bačny strach. Bo jon nie viedaŭ, što ź siamjoj — jon ža nikudy nie ŭłaziŭ raniej, a tut jon u RAUSie pa kryminalnaj spravie», — dzielicca siabra chłopca.

Spačatku siamji skazali, što praź dzień u IČU Paša pajedzie dadomu. Ale jaho nie adpuścili. 

Na padletka zaviali kryminalnuju spravu pa č.1 i č.2 artykuła 361-4 KK (sadziejničańnie ekstremisckaj dziejnaści).

Na sudzie, kažuć znajomyja, chłopiec trymaŭsia vietliva i mužna. 

«U apošnim słovie Paša napačatku paprasiŭ prabačeńnia ŭ siamji. Skazaŭ, što nie chacieŭ nikomu nanieści škody, a praź jaho im daviałosia šmat adpakutavać. Vybačaŭsia, što jon u kletcy, a nie na trybunie, dzie jaho ŭznaharodžvajuć za spabornictvy. Ahułam jon vielmi pieražyvaje, što padvioŭ siamju.

Dziaŭčyna nie adviarnułasia ad jaho, dapamahała siamji, zaŭždy była ź imi. Kali jon bačyŭ jaje na sudzie, u jaho vočy hareli».

Pavieł Piskun. Fota: sacsietki

Pavieł Piskun. Fota: sacsietki

U listach chłopiec piša, što škaduje, što zamała času pravodziŭ ź siamjoj, nie paśpieŭ mnohaje abmierkavać ź imi.

Adras dla listoŭ:

Piskun Pavieł Iharavič, 2004 hoda naradžeńnia. SIZA-3, h. Homiel, vuł. Knižnaja 1A, 246003.

Čytajcie jašče:

U Homieli padletku dali 3 hady kałonii za toje, što źniaŭ na videa pierasoŭvańnie rasijskich zachopnikaŭ

«Palašučka ź nienapisanaj kazki». Raskazvajem pra žančynu, jakoj prysudzili kałoniju za zvarot u Śledčy kamitet

Voś pa čyim danosie zatrymali dyrektarku turystyčnaha ahienctva «Vijapol»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?